16.09.2026 | 15:10
TRIPP-ի համաձայնագիրը չի հակասում Սահմանադրությանը // Օսիպյանի գործով դատաքննությունը սկսվել է․ ԼՈՒՐԵՐ
Ադրբեջանի ԶՈՒ-ի ագրեսիան Խաչիկ գյուղի ուղղությամբ․ արգելվել է հացահատիկի արտահանումը Արցախից․ Լուրեր
Քաղաքականություն
05.07.2022 | 13:45
- Երեկոյան ադրբեջանական կողմը կրակ է բացել Վայոց ձորի մարզի Խաչիկ գյուղի ուղղությամբ։ Factor․am-ին գյուղի բնակիչներից մեկը տեղեկացրել է, որ կրակոցները բավականին երկար են եղել և դադարել են միայն հայկական կողմի պատասխան կրակից հետո։ Ըստ մեր զրուցակցի՝ կրակոցներն ուղղված են եղել դեպի գյուղի մերձակա ճանապարհին շինաշխատանքներ իրականացնողները։ Կրակոցների հետևանքով ոչ ոք չի տուժել, վնասվել է համայնքապետ Հովիկ Սմբատյանի ծառայողական Նիվա մակնիշի ավտոմեքենան։
- Արցախի պետնախարարար Արտակ Բեգլարյանը հայտարարություն է տարածել, որ խստորեն դատապարտելի է Ադրբեջանի կողմից Շուշիի Սուրբ Հովհաննես Մկրտիչ (Կանաչ ժամ) հայկական եկեղեցու ամբողջությամբ ավերելու փաստը: Վերանորոգման քողի տակ նրանք եկեղեցին վերածում են ուղղափառ եկեղեցու՝ կեղծելու համար պատմությունը և վերացնելու հայկական հետքերը:
- Արցախի կառավարությունն արգելել է ցորենի և գարու, այդ թվում՝ ցորենի և գարու սերմացուների արտահանումը Արցախի տարածքից։ Հայտնել են Արցախի գյուղնախարարությունից։
- Վրաստանի ցորեն և ալյուր արտադրողների ասոցիացիայի գործադիր տնօրեն Լևան Սիլագավան հայտնել է,որ Վրաստան ցորենի ներկրումը գրեթե 2 ամսով դադարեցվել է, իսկ հացի ալյուրը ներկրվում է միայն Ռուսաստանից. հետևաբար՝ երկիրը ցորենի պաշարներ չունի։
Այս ժամի լուրերը՝ տեսանյութում։
