15.12.2024 | 11:22
Դժբախտ պատահարի հետևանքով մահացել է Mango-ի հիմնադիրը
Արցախի նախագահը՝ Բերձորից հայերի դուրս գալու, Ռուբինյանը՝ Թուրքիայի հետ գործընթացի մասին․ Լուրեր
Քաղաքականություն
30.06.2022 | 15:47
- Արցախի նախագահ Արայիկ Հարությունյանն այսօր հայտարարել է, որ անկախ ամեն ինչից՝ Բերձորը պետք է լինելու շրջանցել, և հետագայում ինքը Բերձորում հայերի ապրելու հնարավորությունը շատ քիչ է համարում։ Ինչ վերաբերում է Աղավնոյին, ըստ Հարությունյանի՝ այդ թեման չի քննարկվել, դեռ շատ անելիք կա այդ ուղղությամբ, և բանակցությունները շարունակվում են։
- Հարությունյանն ասել է, որ ինքն էլ է դեմ Բերձորից դուրս գալուն, բայց ԱԽ-ում քննարկել են և եկել են այդ որոշման։ Հարությունյանն ասել է․ «Եթե մեր որոշումը չեղարկում ենք, հայտարարենք այդ մասին առաջին հերթին Արցախի բնակիչներին, որովհետև իրավիճակի փոփոխության առումով Երևանում ապրող քաղաքական գործիչները կամ պաշտոնյաները պատասխան չեն տալու, մենք ենք վայրկյանների ընթացքում քաղելու ամենածանր պտուղները, որը հավանական եմ համարում»։
- Հայաստանի ԱԽ քարտուղար Արմեն Գրիգորյանն այսօր պատասխանել է Բերձորի, Աղավնոյի և Սուս գյուղի ճակատագրերի մասին հարցին ու նշել, որ մեկ ու կես տարի ունեն՝ բնակիչների խնդիրները լուծելու համար։ Ըստ էության՝ Գրիգորյանը չի նշել՝ արդյո՞ք դա վերաբերում է նաև բնակավայրերին։
- Հայաստան-Թուրքիա հարաբերությունների կարգավորման գործընթացում Հայաստանի բանագնաց Ռուբեն Ռուբինյանը հայտարարել է, որ գործընթացի մեկնարկից ի վեր ՀՀ-ն շատ կառուցողական է եղել և ցուցաբերել է քաղաքական կամք հարաբերություններն արագ կարգավորելու ուղղությամբ։ Ըստ Ռուբինյանի՝ գործընթացի հաջողությունը կախված է Թուրքիայի համապատասխան կառուցողականությունից և քաղաքական կամքից։ Մինչև այս պահն առանձնապես մեծ առաջընթաց չկա, և դա տեսանելի է, ասել է Ռուբինյանը։
Այս ժամի լուրերը՝ տեսանյութում։
