28.07.2026 | 10:57
Զախարովան հայտարարել է, թե ՀԱՊԿ-ի մասնակցությունը ԼՂ հակամարտությանն անհնար էր
Չի բացառվում, որ ՌԴ թույլտվությամբ պատերազմ կլինի․ Արեգ Քոչինյան․ ՏԵՍԱՆՅՈՒԹ
Քաղաքականություն
30.06.2022 | 13:57
«Պատերազմի վտանգի մասին վարչապետի եզրահանգումներն ու դիտարկումները հիմնված չեն քանական կամ որակական հետազոտությունների վրա, քանի որ ՀՀ-ն այդ առումով լուրջ հետազոտություններ անելու հնարավորություններ և հզորություններ չունի»,- «Խաղաղության օրակարգի գինը. ի՞նչ է ակնկալվում Հայաստանից» թեմայով քննարկման ժամանակ այս մասին նշեց անվտանգության քաղաքականության հարցերով փորձագետ Արեգ Քոչինյանը:
Ինչ վերաբերում է պատերազմին և խաղաղությանը, փորձագետը կարծիք հայտնեց, որ վարչապետը դրա վերաբերյալ հնարավորություն չունի շրջանցել իր պաշտոնական դիրքը և հարյուր տոկոսով անկեծ լինել ու ամեն ինչ մինչև վերջ ասել:
«Ես չեմ կարծում, թե Ադրբեջանը մեր տարածաշրջանում պատերազմի լեգիտիմության կարիք ունի, այլ ընդամենը կարիք ունի պատերազմի մեկնարկը և, այսպես ասած, սանդղակը համաձայնեցնել Ռուսաստանի հետ…
Եթե կոնսենսուս կա Ադրբեջանի, Թուրքիայի և Ռուսաստանի միջև, ապա չի բացառվում, որ Ռուսաստանի թույլտվությամբ պատերազմ կլինի, որը կլինի ոչ թե 44-օրյա պատերազմի նման, այլ շատ ավելի լոկալ՝ այն հաշվարկով, որ Հայաստանը դրանից հետո կգնա զիջումների»,- նշեց Արեգ Քոչինյանը։
Փորձագետի դիտարկմամբ՝ դիվանագիտական հարթությունում Հայաստանի դիմադրության միակ պաշարը Արևմուտքի որոշակի մասնակցությունն է:
Նրա խոսքով՝ լավագույն տարբերակով՝ Արևմուտքը որոշակի գործողութունների կդիմի և, օրինակ, ԱՄՆ-ը, որպես Մինսկի խմբի համանախագահ երկիր, բանակցություններ կանցկացնի, ինչը քիչ հավանական է, և վատ տարբերակով, որն ավելի հավանական է, Միսնկի խմբի համանախագահությունը միայն հայտարարություններով հանդես կգա. Մինսկի խմբի այլընտրանքը ռուս-թուրքական ձևաչափն է այս տարածաշրջանում:
Մանրամասները՝ տեսանյութում:
