09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Չեմ կարծում, թե Փաշինյանի՝ պատերազմի վտանգի մասին հայտարարությունը հիմնված է համակարգային վերլուծության վրա․ Տիգրան Գրիգորյան․ ՏԵՍԱՆՅՈՒԹ
Քաղաքականություն
30.06.2022 | 13:44
«Չեմ կարծում, թե Փաշինյանի՝ պատերազմի վտանգի մասին հայտարարությունը հիմնված է համակարգային վերլուծության վրա»,- «Խաղաղության օրակարգի գինը. ի՞նչ է ակնկալվում Հայաստանից» թեմայով քննարկման ժամանակ այս մասին նշեց քաղաքագետ Տիգրան Գրիգորյանը:
«ՀՀ-ն նմանատիպ վերլուծություններ անելու հնարավորություններ չունի: Վերջին երկու տարվա և նախապատերզամական շրջանի փորձը դրա վառ ապացույցն է:
Սա, կրծում եմ, Փաշինյանի արձագանքն էր Ալիևի՝ Բաքվի ֆորումում հունիսի 17-ին հնչեցրած ելույթին, որտեղ Ադրբեջանի նախագահը ՀՀ-ին մեղադրել էր տարբեր գործընթացներում առաջընթացը դանդաղեցնելու և ժամանակ ձգելու մեջ:
Երևի ՔՊ վարչությամբ կամ Անվտանգության խորհրդի նիստի մասնակիցներով հավաքվել են և զուտ այս բաց աղբյուրների վերլուծության հիման վրա այդպիսի եզրահանգման են եկել:
Սա, իհարկե, չի նշանակում, որ պատերազմի վտանգ չկա. պարզապես Հայաստանը նմանատիպ վերլուծություն անելու հնարավորություն չունի»,- նշեց Գրիգորյանը:
Ինչ վերաբերում է խաղաղության օրակարգին, քաղաքագետի դիտարկմամբ, իրականում լուրջ խնդիրներ կան: «Եթե խոսքը ղարաբաղյան գործընթացի կարգավորման մասին է, ապա Ադրբեջանը պատրաստ չէ անգամ իջեցրած նշաձողի տրամաբանությամբ բանակցություններին: Ադրբեջանի իշխանությունները հայտարարում են, որ ԼՂ-ի և ԼՂ բնակչության համար որևէ հատուկ կարգավիճակ չի կարող գոյություն ունենալ»:
Մանրամասները՝ տեսանյութում:
