25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Թուրքիայի հետ հարաբերությունների կարգավորման գործընթացում մեծ առաջընթաց չկա․ Ռուբեն Ռուբինյան
Քաղաքականություն
30.06.2022 | 12:30
Հայաստան-Թուրքիա հարաբերությունների կարգավորման գործընթացի մեկնարկից ի վեր ՀՀ-ն շատ կառուցողական է եղել և ցուցաբերել է քաղաքական կամք հարաբերություններն արագ կարգավորելու ուղղությամբ։ Այս մասին խորհրդարանում լրագրողների հետ զրույցում ասել է ԱԺ փոխնախագահ, Թուրքիայի հետ հարաբերությունների կարգավորման գործընթացում Հայաստանի հատուկ բանագնաց Ռուբեն Ռուբինյանը։
«Գործընթացի հաջողությունը կախված է Թուրքիայի համապատասխան կառուցողականությունից և քաղաքական կամքից։ Ինչպես տեսնում եք՝ մինչև այս պահն առանձնապես մեծ առաջընթաց չկա, և դա տեսանելի է»,- ընդգծել է Ռուբինյանը։
Հիշեցնենք, որ վաղը՝ հուլիսի 1-ին, Վիեննայում նախատեսված է Հայաստան-Թուրքիա հարաբերությունների կարգավորման գործընթացում երկու երկրների հատուկ ներկայացուցիչների հերթական հանդիպումը։ Հայաստանի և Թուրքիայի բանագնացներ Ռուբեն Ռուբինյանն ու Սերդար Քըլըչը կհանդիպեն չորրորդ անգամ։
Արփի Հակոբյան
