23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Երկնիշ տնտեսական աճի գոտի ենք դուրս եկել. 10,2 % աճ ունենք. Փաշինյան․ ՏԵՍԱՆՅՈՒԹ
Տնտեսություն
30.06.2022 | 11:59
ՀՀ վարչապետ Նիկոլ Փաշինյանը Կառավարության այսօրվա նիստում անդրադառնալով Վիճակագրության կոմիտեի՝ վերջերս հրապարակած տնտեսական ցուցանիշներին՝ նշեց, որ պատկերը բավականին լավն է:
«Պիտի արձանագրենք կարևոր մի հանգամանք, որ աճի հիմնական լոկոմոտիվներից են շինարարության ճյուղը, որի աճը մայիսը մայիսի նկատմամբ կազմել է 18.1 տոկոս, ծառայությունների ոլորտը, որի աճը նախորդ տարվա մայիսի նկատմամբ կազմել է 30.2 տոկոս, էլեկտրաէներգիայի արտադրությունը, որի աճը կազմել է 8.2 տոկոս և արտահանման աճը, որը նախորդ տարվա մայիսի համեմատ ավելացել է 33.7 տոկոսով»,- նշեց Փաշինյանը:
Վարչապետը հավելեց, որ կան նաև մտահոգություն առաջացնող ցուցանիշներ:
«Մասնավորապես, արդյունաբերական արտադրանքի ծավալն աճել է ընդամենը 2 տոկոսով: Իհարկե, նաև գնաճային բարձր ֆոնն է պահպանվում, որը մտահոգիչ է:
Բայց տնտեսական ակտիվության հնգամսյա ցուցանիշներով մենք դուրս ենք եկել երկնիշ տնտեսական աճի գոտի. 5 ամսվա տվյալներով մեր տնտեսական աճի ցուցանիշը կազմում է 10,2 տոկոս»,- նշեց Փաշինյանը:
Մանրամասները՝ տեսանյութում:
