15.07.2026 | 22:23
Հայտնի է՝ հուլիսի 16-ին որ հասցեներում էլեկտրամատակարարումը կդադարեցվի
Կանադան Հայաստանում դեսպանատուն կբացի
Քաղաքականություն
29.06.2022 | 20:24
Կանադայի ԱԳ նախարար Մելանի Ջոլին հայտարարել է, որ իր երկիրն ընդլայնում է դիվանագիտական ներկայությունը Կենտրոնական, Արևելյան Եվրոպայում, ինչպես նաև Կովկասում։ Այս մասին տեղեկանում ենք Կանադայի կառավարության կայքից։
Մասնավորապես, հետևելով ԵՄ-ում և Եվրոպայում Կանադայի հատուկ բանագնաց ու Գերմանիայում դեսպան Ստեֆան Դիոնի առաքելությանը և հայկական ժողովրդավարությանը Կանադայի աջակցությունն ավելացնելու ուղիների վերաբերյալ զեկույցին՝ Կանադան որոշել է Հայաստանում լիարժեք դիվանագիտական ներկայացուցչություն բացել՝ մշտական դեսպանով, որը թույլ կտա երկկողմ կապերն ամրապնդել ու մեծացնել հայկական ժողովրդավարությանն աջակցությունը։
«Անդրատլանտյան անվտանգությունը չափազանց կարևոր է միջազգային կայունության համար: Ռուսաստանի անօրինական, անհիմն և սարսափելի ներխուժումն Ուկրաինա փոխեց անվտանգային և դիվանագիտական լանդշաֆտը Եվրոպայում, և Կանադան պետք է ռազմավարական պատասխան տա: Կառուցելով Կանադայի ուժերի հարաբերությունները եվրոպացի գործընկերների հետ՝ այսօր հայտարարված փոփոխությունները կօգնեն երաշխավորել, որ մենք ունենք անհրաժեշտ գործիքներ՝ ամրապնդելու Հայաստանի ժողովրդավարությունը և լուծելու մեր ժամանակի անվտանգության և դիվանագիտական ամենամեծ մարտահրավերները»,- ասել է Մելանի Ջոլին։
Հավելենք, որ ՀՀ ԱԳ նախարար Արարատ Միրզոյանն ավելի վաղ հեռախոսազրույց էր ունեցել Մելանի Ջոլիի հետ։
Էմմա Չոբանյան
