28.07.2026 | 09:45
Վթարային ջրանջատում Լոռու մարզում
ԼՂ-ն բանակցում է՝ զինծառայողների աճյունների որոնումը վերսկսելու համար․ ԱՄՆ-ն փոխել է ԵԱՀԿ ՄԽ համանախագահին․ Լուրեր
Քաղաքականություն
29.06.2022 | 16:52
- Արցախի իշխանությունները բանակցություններ են վարում ռուսական և ադրբեջանական կողմերի հետ՝ պատերազմի ժամանակ զոհված զինծառայողների և նրանց մասունքների որոնման աշխատանքները վերսկսելու համար։ Այս մասին հայտնել է Արցախի ՆԳ նախարար Կարեն Սարգսյանը։ Նա նշել է, որ 2020 թվականի նոյեմբերի 13-ից մինչև 2022 թվականի առաջին կիսամյակը որոնողական աշխատանքների արդյունքում հայտնաբերվել է 1711 աճյուն և մասունքներ: Մինչ օրս անհետ կորած է համարվում 53 հոգի, 33-ը՝ զինծառայող, 20-ը՝ քաղաքացիական:
- ԱՄՆ Պետքարտուղարությունից հայտնել են, որ ԵԱՀԿ ՄԽ ամերիկացի համանախագահը փոխվել է։ Նոր նշանակված ԱՄՆ համանախագահ Լորա Օքլան հունիսի 21-ին մեկնել է Բրյուսել՝ իր ԵՄ և Ֆրանսիայի գործընկերների հետ Հայաստանի ու Ադրբեջանի միջև կայուն խաղաղության հաստատման շուրջ հանդիպումներ անցկացնելու։ Իսկ հունիսի 27-ին նա հեռախոսազրույց է ունեցել Մինսկի խմբի ֆրանսիացի համանախագահի ու ԵԱՀԿ գործող նախագահի անձնական ներկայացուցչի հետ։
- ԱՄՆ նախագահ Ջո Բայդենը հայտարարել է, որ Վաշինգտոնը փոխում է իր ուժերի դիրքավորումը Եվրոպայում՝ հիմնվելով Ռուսաստանի կողմից Ուկրաինա ներխուժելու հետևանքով և այլ ուղղություններով եկող սպառնալիքների վրա։ Ըստ ԱՄՆ նախագահի՝ ՆԱՏՕ-ն «ուժեղանալու է բոլոր ուղղություններով՝ ցամաքային, ծովային, օդային»։
Այս ժամի լուրերը՝ տեսանյութում։
