06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ՄԻԵԴ-ը զսպել է նոր իշխանություններին՝ հետագայում նման քայլի չգնալու․ Արա Ղազարյանը՝ գերակա հանրային շահի հիման վրա խախտված իրավունքների մասին․ ՏԵՍԱՆՅՈՒԹ
Հասարակություն
29.06.2022 | 12:10
«Իրավունքի գերակայություն» իրավապաշտպան ՀԿ-ի կազմակերպած «Փաստահավաք հանձնաժողովի և գերակա հանրային շահի հիման վրա խախտված իրավունքների վերականգնման հնարավորությունները» թեմայով քննարկման ժամանակ փաստաբան Արա Ղազարյանը, անդրադառնալով օտարման գործերին, նշեց, որ ՄԻԵԴ-ն այդ գործերով որոշումներ է կայացրել, դրանք կարևոր էին, որպեսզի զսպեին իշխանություններին՝ հետագայում նման քայլերի չգնալ՝ խախտումներով օտարում չիրականացնել:
«Կարծես հասել է իր նպատակին, որովհետև Հյուսիս-Հարավ ճանապարհի շինարարության ժամանակ բազմաթիվ օտարումներ եղան, բայց մենք դրանց մասին չենք լսում, որովհետև չկա աղմուկ։ Իսկ աղմուկ չկա, քանի որ այդ համակարգային խնդիրները լուծվել են»։
Փաստաբանի խոսքով՝ 2002-2010 թվականին տարածված պրակտիկա էր՝ գաղտնի դատական ակտեր, գործակալություններին ստիպում էին չտալ գույքի իրական արժեքի մասին տեղեկանքներ, ինչը շատ ազդեց ՄԻԵԴ-ի նախադեպային իրավունքի վրա, որովհետև ՄԻԵԴ-ը հիմնվեց պետության ներկայացրած տվյալների վրա, որոնք էապես նվազեցված էին։
Ղազարյանը նշեց, որ հետագայում Հյուսիսային պողոտայի փոխհատուցման չափը քաղաքացիներին չբավարարեց:
«Պետք է արտադատական մեխանիզմով խնդիրը լուծել, կառավարությունը պետք է հաշվարկի, թե որքան չեն ստացել տուժած քաղաքացիները, այս փաստահավաքությունը պետք է արվի, և ծրագիր մշակվի, որովհետև անհնար է իրավական գործընթացներով այդ ռիսկերը վերացնել։ Մենք պետք է մեր ազգային մեխանիզմների վրա հույս դնենք, ոչ թե ՄԻԵԴ-ի վրա հույս դնել ու տասը տարի մտնել դատավարության մեջ»,- ընդգծեց փաստաբանը:
Մանրամասները՝ տեսանյութում:
