17.04.2026 | 18:07
ՄԻՊ ներկայացուցիչներն արագ արձագանքման այց են իրականացրել Ոստիկանության բաժիններ
ՔՊ-ն այսօր որոշել է պաշտոնանկ անել Իշխան Սաղաթելյանին և Վահե Հակոբյանին, վաղը քննարկելու են Արմեն Գևորգյանի հարցը
Քաղաքականություն
28.06.2022 | 17:11
«Քաղաքացիական պայմանագիր» խմբակցությունն այսօր նիստ է գումարել և որոշել Ազգային ժողովի նախագահի տեղակալի պաշտոնից հեռացնել «Հայաստան» խմբակցության պատգամավոր Իշխան Սաղաթելյանին, իսկ Վահե Հակոբյանին՝ ԱԺ Տնտեսական հարցերի մշտական հանձնաժողովի նախագահի պաշտոնից։
Տեղեկությունը Factor.am-ի հետ զրույցում հաստատեցին ՔՊ խմբակցության երկու պատգամավորներ։ Նրանք փոխանցեցին՝ որ խմբակցության ղեկավարը թույլ չի տվել այս մասին բարձրաձայնել․ Հայկ Կոնջորյանն ասել է, թե ինքն անձամբ այդ մասին կխոսի։ Նա և խմբակցության քարտուղար Արթուր Հովհաննիսյանը մեր զանգերն անպատասխան թողեցին։
Հիշեցնենք, որ Նիկոլ Փաշինյանի հրաժարականը պահանջող ընդդիմադիր մի խումբ պատգամավորներ գերազանցել են անհարգելի բացակայությունների շեմը։ Իշխանություններն էլ որոշել են նրանց պաշտոնանկ անել։ Ուշագրավ է, որ մինչ այս քննարկվում էր ընդդիմադիրներին մանդատներից զրկելու հարցը, սակայն ՔՊ-ն այս փուլում, հաշվի առնելով հավանական միջազգային աղմուկը, որոշել է միայն ընդդիմադիր պատգամավորներին զրկել զբաղեցրած պաշտոններից։
ՔՊ-ի մեր աղբյուրն ասաց, որ մանդատներից զրկելու վերաբերյալ այսօր միասնական որոշման չեն եկել։ Մասնավորապես, դեմ են Ռուբեն Ռուբինյանը, Արման Եղոյանը և արևմտյան հայացքներով աչքի ընկնող մյուս պատգամավորները։ Մեր աղբյուրի փոխանցմամբ՝ վաղն էլ քննարկելու են Արմեն Գևորգյանին պաշտոնանկ անելու հարցը։ Նա զբաղեցնում է ԱԺ Տարածաշրջանային և եվրասիական ինտեգրման հարցերի մշտական հանձնաժողովի նախագահի պաշտոնը։
Նարեկ Կիրակոսյան
