01.11.2024 | 23:19
Հրդեհ Գյումրու տներից մեկում
ՌԴ հյուպատոսն ընդունել է գերիների հարազատներին․ ՊԵԿ-ը ստուգումներ կանի 725 ընկերությունում․ Լուրեր
Քաղաքականություն
28.06.2022 | 16:10
- Գյումրիում Ռուսաստանի հյուպատոսն այսօր ընդունել է Խծաբերդում գերեվարված շիրակցի պահեստազորայինների հարազատներին, որոնք վաղ առավոտից բողոքի ակցիա էին անցկացնում հյուպատոսարանի շենքի դիմաց։ Ցուցարարները նշում էին, որ իրենց հարազատները գերեվարվել են ռուս խաղաղապահ ուժերի տեղակայման տարածքներում, հետևաբար ՝ ռուսական կողմը պիտի պարտավորվի անհապաղ լուծել նրանց հայրենադարձման հարցը։ Հանդիպումից հետո գերիների հարազատները, առանց մանրամասներ ներկայացնելու հայտնել են, որ հյուպատոսի պատասխանը իրենց չի գոհացրել։
- ՊՆ, ԶՈՒ և ԶՈՒ ԳՇ ղեկավար կազմը, զորամիավորումների հրամանատարները խորհրդակցություն են անցկացրել, որի ընթացքում քննարկվել են զինված ուժերում սմարթֆոնների կիրառման արգելքի վերաբերյալ հրամանների կատարումը, զինծառայողների մասնակցությամբ ավտովթարների կանխումը և այլն։ Զեկույցներով հանդես են եկել նաև առաջնագծում ամրաշինական աշխատանքների իրականացման պատասխանատուները։
- ՊԵԿ-ից հայտնել են, որ կառույցը հուլիսի 1-ից մինչև 2023թ. հուլիսի 1-ը համալիր հարկային ստուգումներ կիրականացնի 725 հարկ վճարողի մոտ։ առավել ռիսկային տնտեսվարողները կլինեն խոշորացույցի տակ։
Այս ժամի լուրերը՝ տեսանյութում։
