ՔՊ խմբակցությունը գլխավոր դատախազի պաշտոնում առաջադրել է Աննա Վարդապետյանի թեկնածությունը

Լուրեր

28.03.2024 | 12:36
«Ինքնապաշտպանությունը պետական քաղաքականության ու հանրային ընկալման մեջ. ո՞րն է տարբերությունը». ՈՒՂԻՂ
28.03.2024 | 12:32
«Ֆրանսիան Հայաստանին նոր պատերազմի է դրդում». Ադրբեջանի Պետանվտանգության ծառայության ղեկավար
28.03.2024 | 12:27
Եթե այս տեմպերով շարունակենք, այն ինչ ստացանք Արցախում, ստանալու ենք նաև ՀՀ-ում. Ստյոպա Սաֆարյան․ ՏԵՍԱՆՅՈՒԹ
28.03.2024 | 12:23
Շահրամանյանը՝ Արցախը լուծարելու փաստաթղթի մասին, ՀԱՊԿ-ը ՀՀ-ից կազմակերպությունը լքելու ծանուցում չի ստացել․ ԼՈՒՐԵՐ
28.03.2024 | 12:18
ՀՀ-ում ФСБ-ն շարունակում է օպերատիվ-հետախուզական աշխատանքները. Արթուր Սաքունց․ ՏԵՍԱՆՅՈՒԹ
28.03.2024 | 12:14
Անհրաժեշտ է օր առաջ հայտարարել ռուսական ռազմակայանը ՀՀ-ից հանելու մասին. Հայկ Միրզոյան․ ՏԵՍԱՆՅՈՒԹ
28.03.2024 | 12:09
Անհրաժեշտ է անցկացնել հանրաքվե. Խզմալյանը 3 առաջարկ ներկայացրեց․ ՏԵՍԱՆՅՈՒԹ
28.03.2024 | 12:08
Երևանը վերջին շրջանում չի մասնակցում ՀԱՊԿ քարտուղարության աշխատանքներին․ ՀԱՊԿ գլխավոր քարտուղար
28.03.2024 | 12:06
ՀՀ-ն հումանիտար օգնություն կուղարկի Գազա. ՆԳՆ-ին 19 մլն դրամ հատկացվեց․ ՏԵՍԱՆՅՈՒԹ
28.03.2024 | 12:02
Ճանապարհային քարտեզը կարող է դառնալ ազատագրման քարտեզ. Ազատ Արշակյան․ ՏԵՍԱՆՅՈՒԹ
28.03.2024 | 11:57
Մեղրիին 93 մլն դրամ, Քաջարանին` 190 մլն, Կապանին`251 մլն. հանքերից ազդակիր համայնքներին գումարներ կտրվեն․ ՏԵՍԱՆՅՈՒԹ
28.03.2024 | 11:53
2024 թվականին ՀԱՊԿ-ը 7 վարժանք կանցկացնի
28.03.2024 | 11:52
Կառավարությունը «Հիվանդությունների վերահսկման և կանխարգելման ազգային կենտրոնի» շենք-շինությունները վաճառեց «Քվանտ» վարժարանին
28.03.2024 | 11:44
Եթե մնանք ՌԴ-ի հետ, կլինենք Ռուսաստան-Թուրքիա-Ադրբեջան եռանկյունում, որտեղ խնդիրները կլուծվեն մեր հաշվին․ Արամ Սարգսյան․ ՏԵՍԱՆՅՈՒԹ
28.03.2024 | 11:40
ՌԴ-ն ԱԹՍ-ներով հարվածներ է հասցրել Խարկովին և Զապորոժիեին․ կան տուժածներ
Բոլորը

ՀՀ ԱԺ «Քաղաքացիական պայմանագիր» խմբակցությունը, առաջնորդվելով ՀՀ Սահմանադրությամբ, «Ազգային ժողովի կանոնակարգ» սահմանադրական օրենքով, գլխավոր դատախազի պաշտոնում առաջադրել է Աննա Կարենի Վարդապետյանի թեկնածությունը: Այս մասին տեղեկացրել է ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը:

«ՀՀ գլխավոր դատախազի պաշտոնում ընտրելու համար Ազգային ժողովին թեկնածու առաջարկելու մասին հարցը հանձնաժողովի` հունիսի 28-ի արտահերթ նիստում քննարկվել է հատուկ ընթացակարգով: Ներկայացնելով թեկնածուի կենսագրական, մասնագիտական եւ աշխատանքային գործունեության վերաբերյալ հակիրճ տեղեկատվությունը` Վլադիմիր Վարդանյանը նշել է, որ Աննա Վարդապետյանը համալրել է ԵՊՀ իրավագիտության ֆակուլտետի երիտասարդ դասախոսների կազմը` դառնալով առաջատարներից մեկը: Հանձնաժողովի նախագահի բնութագրմամբ` թեկնածուն մշտապես աչքի է ընկել չափազանց բարձր պատասխանատվության զգացումով, ցուցաբերել է ծայրահեղ սկզբունքային, արժեքային դիրքորոշումներ` կապված իրավունքի գերակայության, երկրում օրինականության հաստատման եւ արդարադատության հեղինակության բարձրացման հետ:

«Աննա Վարդապետյանը գլխավոր դատախազի պաշտոնում հնարավորություն կունենա իրագործել դատախազական համակարգի կայացման, զարգացման եւ հետագա գործունեության բարելավմանն ուղղված կարեւոր բարեփոխումները»,- նշել է Վլադիմիր Վարդանյանը:

Աննա Վարդապետյանը շնորհակալություն է հայտնել «Քաղաքացիական պայմանագիր» խմբակցությանը ՀՀ գլխավոր դատախազի պաշտոնում իր թեկնածությունն առաջադրելու համար: Նա ներկայացրել է այն սկզբունքային փոփոխությունները, որոնք ակնկալում է տեսնել դատախազության համակարգում իր ծառայության ընթացքում եւ արդյունքում: «Ժողովրդավարությունն առանց օրենքի գերակայության ուղղակի գոյություն չունի: Կայացած դատախազական համակարգն օրենքի գերակայության ու, հետեւաբար, նաեւ ժողովրդավարության կայացման երաշխիքն է»,- ասել է Աննա Վարդապետյանը:

Անդրադառնալով Հայաստանում դատաիրավական համակարգում իրականացվող փոփոխություններին` թեկնածուն նշել է, որ այս գործընթացում լուրջ դերակատարություն ունի դատախազությունը: Նրա նպատակներից է` ներդնել իր գիտելիքներն օրենքի գերակայության ավելի բարձր նշաձողի սահմանմանը` նպաստելով Հայաստանում ժողովրդավարության կայացմանը:

Պատասխանելով հանձնաժողովականների հարցերին` Աննա Վարդապետյանը տեղեկացրել է, որ մասնակցում է Սահմանադրական բարեփոխումների խորհրդի աշխատանքներին, ուսումնասիրություններ է իրականացնում եւ առաջիկայում դատախազության բարեփոխումների վերաբերյալ կներկայացնի իր տեսլականը:

«Դատախազը պետք է դիտարկվի ոչ թե որպես մեղադրող, այլ` արդարադատություն վերականգնող, պահանջող: Սա պետք է լինի այն պատգամը, որով պետք է առաջնորդվեք»,- ելույթում նշել է Վլադիմիր Վարդանյանը:

Փաստաբանական պալատի անդամ, իրավաբանական գիտությունների թեկնածու Հովհաննես Քոչարյանի խոսքով` ցանկացած իրավական պետությունում գլխավոր դատախազի պաշտոնում նոր թեկնածուի նշանակումն իրավաքաղաքական լուրջ իրադարձություն է եւ կանխորոշում է իրավական կյանքի զարգացման օրինաչափություններն ու ուղենիշերը: «ԱԺ-ն ընտրելու է գլխավոր դատախազ բարդ քաղաքական իրավիճակում, մեր պետության ներքին անվտանգությանը նետված մարտահրավերների պայմաններում: Ըստ այդմ` գլխավոր դատախազի մասնագիտական գործունեությունից ակնկալիքները չափազանց շատ են, իսկ քրեական արդարադատության նկատմամբ վստահության ամրապնդմանն ուղղված ջանքերը` անբնական ծանր: Դատախազության դերն ու նշանակությունն իրավապահ համակարգում բացառիկ է»,- նշել է Հովհաննես Քոչարյանը:

Եզրափակիչ ելույթում Աննա Վարդապետյանը շնորհակալություն է հայտնել դրական գնահատականների համար, հավաստիացրել, որ աշխատելու է ուժերի գերլարումով: Միաձայն քվեարկությամբ հանձնաժողովը որոշել է ՀՀ գլխավոր դատախազի պաշտոնում Ազգային ժողովին առաջարկել Աննա Կարենի Վարդապետյանի թեկնածությունը: