25.06.2026 | 13:56
Հրապարակվել է բասկետբոլի Հայաստանի Մ16 հավաքականի հայտացուցակը՝ Երևանում կայանալիք Եվրոպայի C դիվիզիոնի մրցաշարում
ԿԽՄԿ Բաքվի գրասենյակից այցելել են հայ գերիներին․ Վրաստանը սկսել է նորոգել Լարսի ճանապարհը․ Լուրեր
27.06.2022 | 19:57
- Կարմիր խաչի միջազգային կոմիտեի Բաքվի գրասենյակից այցելել են Ադրբեջանում պահվող հայերին: Հունիսին կայացած հերթական տեսակցության ընթացքում ԿԽՄԿ ներկայացուցիչները օգնել են գերեվարված անձանց նամակների, հեռախոսազանգերի և տեսաուղերձների միջոցով կապ հաստատել իրենց ընտանիքների հետ:
- Ազգային ժողովում այսօր անցկացվել է Վճռաբեկ դատարանի դատավորների ընտրություն։ Քվեարկությանը մասնակցել են միայն ՔՊ խմբակցության անդամները։ Քվեարկությունների արդյունքներով թեկնածուներից Քրիստինե Մկոյանը և Արծրուն Միրզոյանը 68-ական կողմ ձայներով ընտրվել են Վճռաբեկ դատարանի վարչական պալատի դատավորներ։
- Վրաստանի իշխանությունը սկսել է վերանորոգել Ռուսաստանի հետ սահմանին բնական աղետի հետևանքով վնասված Լարսի ճանապարհը։ Մինչ այդ Վրաստանի և Ռուսաստանի միջև միակ ճանապարհով հաղորդակցությունը դադարեցված է, ինչի հետևանքով Վրաստանում են մնացել նաև Ռուսաստան արտահանվող հայկական բեռները։
Այս ժամի լուրերը՝ տեսանյութում։
