19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ՌԴ-ն Բաքվին ու Երևանին կոնկրետ առաջարկներ ունի սահմանի հստակեցման հարցով. Լավրովը՝ Ալիևին
Քաղաքականություն
23.06.2022 | 21:22
Մոսկվան պատրաստ է աջակցել Բաքվի ու Երևանի աշխատանքին՝ ընդհանուր սահմանի հստակեցման հարցում, նաև կոնկրետ առաջարկներ ունի։ Այս մասին հայտարարել է ՌԴ ԱԳ նախարար Սերգեյ Լավրովը Ադրբեջանի նախագահ Իլհամ Ալիևի հետ հանդիպմանը, գրում է Lenta-ն։
Նրա խոսքով՝ ՌԴ-ն կարող է ցուցաբերել խորհրդատվական ծառայություններ երկու կողմերի ստեղծած դելիմիտացիայի հանձնաժողովների համար։ Լավրովը նաև խոստացել է հասնել տարածաշրջանում տրանսպորտային հաղորդակցության ապաշրջափակման՝ նշելով այդ ուղղությամբ առաջընթացը։
«Մենք ընդհանուր ըմբռնում ունենք, թե ինչպես կարելի է ամենահարմարավետ ճանապարհով լուծել ավտոմեքենաների երթևեկությունը կազմակերպելու խնդիրը, որպեսզի արհեստական խոչընդոտներ չստեղծվեն»,- ասել է Լավրովը՝ նշելով, որ նաև Հայաստանի հետ է այդ հարցով խորհրդակցում։
Իր հերթին, Ալիևն ասել է, որ Բաքուն պատրաստ է լուծել Անդրկովկասում երկարաժամկետ խաղաղության հաստատման հետ կապված հարցերը։
Էմմա Չոբանյան
