17.01.2026 | 17:46
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Հրազդան-Բջնի ավտոճանապարհին ավտոմեքենան ընկել է ձորը. կա տուժած
23.06.2022 | 20:16
Հունիսի 23-ին, ժամը 15:36-ին Կոտայքի մարզային ճգնաժամային կառավարման կենտրոն ահազանգ է ստացվել, որ Հրազդան-Բջնի ավտոճանապարհին՝ Սոլակ գյուղի վերջնամասում, տեղի է ունեցել ՃՏՊ, ավտոմեքենան ընկել է ձորը. կա տուժած։
ԱԻՆ-ի հաղորդմամբ՝ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Քաղսի-Բջնի ավտոճանապարհի 7-րդ կմ-ին «Land Cruiser Prado» մակնիշի ավտոմեքենան (վարորդ՝ Գ. Գ., ծնված 1947 թ.) դուրս է եկել ճանապարհի երթևեկելի հատվածից (մոտ 1 մ) և հայտնվել փոսում (մոտ 2 մ):
Փրկարարները հոսանքազրկել են ավտոմեքենան, փակել գազի բալոնի փականը և դուրս բերել վարորդին ավտոմեքենայից: Տուժածը հոսպիտալացվել է Հրազդան քաղաքի ԲԿ, որտեղ վերջինիս առողջական վիճակը գնահատվել է բավարար։
