28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Պատգամավորներն արդարացրե՞լ են քաղաքացիների սպասելիքները. ընտրություններից մեկ տարի անց. ՀԱՐՑՈւՄ
Քաղաքականություն
23.06.2022 | 19:35
ԱԺ արտահերթ ընտրություններից 1 տարի է անցել։ 2021 թվականի հունիսի 20-ին խորհրդարանական ընտրություններ տեղի ունեցան՝ 44-օրյա պատերազմից հետո ստեղծված քաղաքական ճգնաժամի հանգուցալուծման համար։
Փողոց դուրս եկած ընդդիմությունը գնաց ընտրությունների, բայց Նիկոլ Փաշինյանի գլխավորած «Քաղաքացիական պայմանագիր» կուսակցությունը ստացավ քվեների շուրջ 54 տոկոսը։ Երկրորդ տեղում Ռոբերտ Քոչարյանի գլխավորած «Հայաստան» դաշինքն էր՝ 21 տոկոսով, երրորդ տեղում՝ Հայաստանի Հանրապետական և Արթուր Վանեցյանի «Հայրենիք» կուսակցությունների «Պատիվ ունեմ» դաշինքը՝ 5,22 տոկոսով։ Դաշինքը թեև չէր հաղթահարել անցողիկ 7 տոկոսանոց շեմը, բայց որպես ամենաշատ քվե ստացած երրորդ ուժ՝ անցավ խորհրդարան:
Դաշինքն այսօր, ըստ էության, այլևս գոյություն չունի, քանի որ 2 ամիս շարունակ փողոցային պայքար իրականացնող և խորհրդարանի աշխատանքներին չմասնակցող Արթուր Վանեցյանն օրերս հայտարարեց պատգամավորական մանդատը վայր դնելու մասին։
Բազմաթիվ խոստումներով ընտրված պատգամավորներն ի՞նչ են արել մեկ տարվա ընթացքում, արդյո՞ք քաղաքացիները գոհ են նրանց աշխատանքից. Factor TV-ն փորձել է պարզել հարցման միջոցով:
Մանրամասները՝ տեսանյութում։
Արփի Հակոբյան
