17.01.2026 | 14:10
Նոր համայնքային փնջեր են ձևավորվելու․ նախարարությունը նախագիծ է ներկայացրել
Մոսկվան պատրաստ է մոտ ապագայում ընդունել հայ-ադրբեջանական սահմանի սահմանազատման հանձնաժողովի երկրորդ նիստը․ Զախարովա
Քաղաքականություն
22.06.2022 | 17:02
Մոսկվան պատրաստ է մոտ ապագայում ընդունել ադրբեջանա-հայկական սահմանի սահմանազատման հանձնաժողովի երկրորդ նիստը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա ընդգծել է, որ «Ադրբեջանի և Հայաստանի սահմանամերձ առանձին շրջաններում պարբերաբար տեղի ունեցող միջադեպերը, խնդիրները հաստատում են խնդրի արդիականությունը, հայ-ադրբեջանական սահմանի սահմանազատման հանձնաժողովի լիարժեք և կանոնավոր աշխատանքի անհրաժեշտությունը»։
«Մենք պատրաստ ենք որքան հնարավոր է՝ շուտ ընդունել նրա երկրորդ հանդիպումը Մոսկվայում: Այս ամենի շուրջ կողմերը պայմանավորվել են այս տարվա մայիսի 24-ին: Իհարկե, կարևոր է քայլեր ձեռնարկել սահմանին կայունության և անվտանգության մակարդակը բարձրացնելու համար, ինչպես արձանագրված է ղեկավարների 2021 թվականի նոյեմբերի 26-ի հայտարարության մեջ, որն արվել է Սոչիում»,- ասել է նա։
ՌԴ ԱԳ նախարար Սերգեյ Լավրովը հունիսի 23-24-ն աշխատանքային այցով կգտնվի Ադրբեջանում՝ հիշեցրել է Զախարովան։ Նախատեսվում են նրա բանակցությունները Ադրբեջանի նախագահ Իլհամ Ալիևի և արտգործնախարար Ջեյհուն Բայրամովի հետ։ Զախարովան հավելել է, որ Բաքվի հանդիպումներում հատուկ ուշադրություն է դարձվելու 2020 թվականի նոյեմբերի 10-ին, 2021 թվականի հունվարի 11-ին և նոյեմբերի 26-ին ամենաբարձր մակարդակով ընդունված եռակողմ համաձայնագրերի իրականացմանը։
Տաթև Ֆռանգյան
