02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Մի շարք անգրագետ երաժիշտների հավասարեցրին հսկայական վաստակ ունեցող լուրջ արվեստագետների հետ․ Վահան Արծրունի․ ՏԵՍԱՆՅՈՒԹ
Մշակույթ
21.06.2022 | 13:40
ՀՀ ԿԳՄՍ նախարարությունն առաջարկում է վերանայել «ՀՀ պետական պարգևների ու պատվավոր կոչումների մասին» օրենքի ՀՀ ժողովրդական արտիստի, ՀՀ ժողովրդական նկարչի, ՀՀ վաստակավոր արտիստի և ՀՀ վաստակավոր նկարչի պատվավոր կոչումները դրույթը և մշակույթի ու արվեստի բնագավառի համար, որպես վաստակի գնահատման չափանիշ, պահպանել ՀՀ արվեստի վաստակավոր գործչի և ՀՀ մշակույթի վաստակավոր գործչի պատվավոր կոչումները:
Երաժիշտ, երգահան Վահան Արծրունին թեմայի շուրջ քննարկմանը կարծիք հայտնեց , որ պետություն և ստեղծագործող արվեստագետ հարաբերությունները պետք է համակարգվեն օրենքով, ոչ թե որևէ պետական գործիչ կամ մասնագիտական խումբ որոշումներ կայացնի այս կամ այն արվեստագետի կամ ստեղծագործող անհատի նկատմամբ, այլ գործեն օրենքով ամրագրված որոշակի չափորոշիչներ:
«ԿԳՄՍ նախարարությունը միակ պատասխանատուն է մշակութային դաշտի, որը միակ վերահսկողն է, վերջին երեսուն և ավելի տարիների ընթացքում գործողությունները և վերաբերմունքի տարբեր դրսևորումները ավելի շատ պայմանավորված են արվեստագետների նկատմամբ ոչ թե օբյեկտիվ պայմաններով, մասնագիտական հմտություններով ու արժանիքներով, այլ ուրիշ մեխանիզմներ են գործում, որոնցից ամենաարատավորը ժողովրդի և հասարակության սիրո չափն է:
Ժողովրդի սիրո չափով առաջնորդված պետական գործիչները մի շարք անգրագետ գործիչների և ճաշարանային ենթամշակույթի ներկայացուցիչերի բարձրացրին և դրեցին այն աստիճանի վրա, որի վրա գտնվում են հսկայական վաստակ և արժանիքներ ունեցող արվեստագետներ»,- նշեց Արծրունին:
Մանրամասները՝ տեսանյութում:
