06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
ԲԴԽ-ն չի մեկնաբանում «հացի սեղանի շուրջ տեղի ունեցած մասնավոր զրույցը»
Հասարակություն
20.06.2022 | 16:08
ԲԴԽ մամուլի և հասարակայնության հետ կապերի ծառայությունը հաղորդագրություն է տարածել՝ կապված ԲԴԽ լիազորությունները կասեցված նախագահ Ռուբեն Վարդազարյանի կողմից հրապարակված ձայնագրության հետ։
«Ի պատասխան զանգվածային լրատվության միջոցների հարցումների` հայտնում ենք, որ Բարձրագույն դատական խորհրդի նախագահի պաշտոնակատարը հացի սեղանի շուրջ տեղի ունեցած մասնավոր զրույցի մանրամասները չի մեկնաբանում: Տեղեկացնում ենք նաև, որ ձայնագրությունը կատարվել է առանց պարոն Գ. Ջհանգիրյանի իմացության»,- ասված է տարածված հաղորդագրության մեջ։
Հիշեցնենք, որ ՀՀ գլխավոր դատախազի խորհրդական Գոռ Աբրահամյանն էլ ասել էր, որ վերոնշյալ ձայնագրությունը բազմակողմանի ստուգելու նպատակով ուղարկվել է ՀՀ քննչական կոմիտե։
