26.08.2026 | 20:13
Մի փունջ կոռուպցիա նվեր եմ տվել ձեզ, ձեր քննչականը, իհարկե, գործ չի հարուցի․ Մեսրոպ Մանուկյան. ՏԵՍԱՆՅՈՒԹ
Մանրամասներ Նիգավանի և Ապարանի միջադեպից․ Փաշինյանը փոխնախարարներ է նշանակել․ Լուրեր
Քաղաքականություն
20.06.2022 | 13:20
- Պաշտպանության նախարարությունը հաստատել է, որ հունիսի 18-ին՝ շաբաթ օրը, առաջնագծում զինծառայող է զոհվել։ Վարդենիսի ուղղությամբ Ադրբեջանի զինված ուժերի կրակոցից զինծառայողի մահվան մասին մինչ այդ հայտնել էր մամուլը։ Նախարարությունից խոստացել են մանրամասներ հայտնել, սակայն հաղորդագրություն դեռ չի եղել։
- Վարչապետ Նիկոլ Փաշինյանի որոշումներով Գևորգ Մանթաշյանը և Ավետ Պողոսյանը նշանակվել են ԲՏԱ նախարարի տեղակալներ։
- Ապարանում երկու անձի սպանության դեպքի մի շարք հանգամանքներ այսօր ներկայացրել է քննչական կոմիտեն։ Կրակոցներով ուղեկցված միջադեպի հետևանքով երկու անձ մահացել է, մի քանիսը վիրավոր տեղափոխվել են հիվանդանոցներ։ Քննչական կոմիտեի հաղորդագրության համաձայն՝ միջադեխի պատճառը եղել է Նիգավանի հատվածում երթևեկության ընթացքում տեղի ունեցած վեճը։ Մինչ այդ մամուլում տեղեկություններ էին հայտնվել, որ դեպքի պատճառը եղել է վարչապետ Նիկոլ Փաշինյանին հայհոյելը, ու միջադեպին մասնակից են եղել նաև իշխանական պատգամավորներից մեկի և Արագածոտնի փոխմարզպետի հետ կապված անձինք։ Պատգամավորը երեկ հերքել է իր մտերիմների մասնակցությունը, իսկ ոստիկանությունը հերքել է, որ միջադեպն ունեցել է քաղաքական դրդապատճառ։ Քննչական կոմիտեն հայտնել է, որ կրակոցներն արձակած անձը ձերբակալվել է։
Այս ժամի լուրերը՝ տեսանյութում։
