Հունիսի 19-ին՝ ժամը 00։02-ին, Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ծովազարդ գյուղի մոտակայքում տեղի է ունեցել ՃՏՊ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Ինչպես տեղեկացրին ՀՀ ԱԻՆ-ից, պարզվել է, որ Սևան-Գավառ ավտոճանապարհի 18-րդ կմ-ին, բախվել են «ZIL» մակնիշի բեռնատարը (կունգ) (վարորդ՝ Գ․ Ս․) և «VAZ- 2107» մակնիշի ավտոմեքենան (վարորդ՝ Ա․ Վ․, ծնված 1989 թ․), ինչի հետևանքով վերջինիս վարորդը, մինչ փրկարարների կանչի վայր հասնելը, հոսպիտալացվել է Գավառ քաղաքի ԲԿ։
Հրշեջ-փրկարարները հոսանքազրկել են ավտոմեքենաները և փակել գազի բալոնների փականները։
