28.07.2026 | 17:08
Դատախազությունն ընթացք է տվել Աննա Հակոբյանի հրապարակմանը
Հայաստանը չի մերժել Վրաստանում ԱԳ նախարարների հանդիպումը․ ՀՀ ԱԳՆ-ն հերքում է Ալիևի խոսքերը
Քաղաքականություն
17.06.2022 | 12:18
Հայաստանը չի մերժել ԱԳ նախարարների հանդիպումը Թբիլիսիում, Factor TV-ի հարցմանն ի պատասխան ասացին ՀՀ ԱԳՆ-ից։ Մենք խնդրել էինք մեկնաբանել Ադրբեջանի նախագահ Իլհամ Ալիևի այն հայտարարությունը, թե Հայաստանը հրաժարվել է ԱԳ նախարարների ձևաչափով հանդիպել Թբիլիսիում։
«Մենք ոչ միայն չենք մերժել, այլև մշտապես դրական ենք արտահայտվել նման հավանական հանդիպման մասին՝ միաժամանակ նշելով, որ պետք է աշխատանք տանել հանդիպման արդյունավետությունն ապահովելու ուղղությամբ», – տեղեկացնում են ՀՀ ԱԳՆ-ից։
Հիշեցնենք, որ Ալիևը նման հայտարարություն էր արել «Գլոբալ աշխարհակարգին սպառնացող վտանգները» թեմայով Բաքվի IX գլոբալ ֆորումի բացման ժամանակ ունեցած իր ելույթում․
«Մենք այդ հարցով խորհրդակցել ենք վրացի մեր գործընկերների հետ, և Վրաստանի կառավարությունը աջակցում է Վրաստանում Ադրբեջանի, Հայաստանի և Վրաստանի արտգործնախարարների մակարդակով եռակողմ հանդիպում կազմակերպելու և այդ երկխոսությունը սկսելու գաղափարին։ Ցավոք, Հայաստանը հրաժարվում է, չգիտեմ ինչու», – ասել էր նա։
