18.09.2026 | 15:38
Ռուբեն Վարդանյանը դիմել է Ադրբեջանի ՄԻՊ-ին՝ բարձրաձայնելով Ումբակիում պահվող հայերի իրավունքների խախտումների մասին
Սուպերվարչապետական համակարգ պետք է չլինի, կաշխատենք այդ ուղղությամբ. Նիկոլ Փաշինյան. ՏԵՍԱՆՅՈՒԹ
Քաղաքականություն
08.05.2018 | 17:41
Ազգային ժողովի հատուկ նիստից հետո վարչապետ ընտրված Նիկոլ Փաշինյանը պատասխանում է լրագրողների հարցերին:
-Պարոն Փաշինյան, ո՞նց եք պատկերացնում Հանրապետականի հետ համագործակցությունը:
-Ես իմ ելույթում էլ ասացի, որ մեր խնդիրն է երկրում ձևավորել համերաշխության մթնոլորտ և համերաշխության մթնոլորտը ենթադրում է, որ մենք քննարկումներ և աշխատանքային հարաբերություններ ունենանք բոլոր քաղաքական ուժերի հետ: Ես պատրաստակամություն եմ հայտնում այդպիսի աշխատանքային հարաբերություններ հաստատել: Ուզում եմ ճիշտ հասկանանք՝ երբ ասում ենք ազգային համերաշխություն և միասնություն՝ դա չի նշանակում, որ բոլորս ամեն ինչի մասին նույն կերպ ենք մտածում, մեր բոլոր տեսակետները նույնական են, քննադատությունն էլ համարվում է ազգային միասնության խաթարում՝ ոչ ամենևին:
-Կառավարության կազմում լինելու հանար կոնկրետ թեկնածուներ քննարկվե՞լ են:
-Բազմաթիվ թեկնածուներ կան, որովհետև Հայաստանում կան բազմաթիվ պրոֆեսիոնալ քաղաքական գործիչներ, որոնք պետք է ներգրավված լինեն երկրի կառավարման գործում:
-Այսինքն՝ էական փոփոխություններ սպասվում են կառավարության կազմում:
-Իհարկե, կլինեն:
-Անձերի փոփոխություն տեսնո՞ւմ եք, մասնավորապես Պաշտպանության նախարարի:
-Այո՛, տեսնում եմ:
-Դուք քննադատում էիք Սերժ Սարգսյանին Բաղրամյան 26-ը չլքելու համար, այն կլինի՞ Ձեր նստավայրը:
-Բոլոր հարցերը հերթով կքննարկվեն:
Հարցուպատասխանն ամբողջությամբ՝ տեսանյութում:
