06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Պատերազմում ՌԴ-ի հաղթանակով՝ ՀՀ-ն կկորցնի իր պետականությունը․ ռուսական մարզ կդառնանք․ Տիգրան Ավագյան․ ՏԵՍԱՆՅՈՒԹ
Քաղաքականություն
15.06.2022 | 21:17
Ի՞նչ ազդեցություն կունենա Ուկրաինայի դեմ Ռուսաստանի սկսած պատերազմի արդյունքը Հարավային Կովկասի վրա։ Որո՞նք են ռիսկերը, որոնց առնչվելու է Հայաստանը Ռուսաստանի պարտության կամ հաղթանակի պարագայում։
Factor TV-ի հարցազրույցում Ուկրաինայի ներքին գործերի նախկին փոխնախարար, քաղաքագիտության դոկտոր Տիգրան Ավագյանը, պատասխանելով այս հարցերին, ասում է, որ թեև ըստ իրեն ՌԴ-ի հաղթնանակը պատերազմում անհնարին է, բայց, այդուհանդերձ, նման պարագայում դա կբերի Հայաստանի պետականության կորստի․ «Հայաստանը կդառնա Ռուսաստանի մարզ՝ նրա կազմում հայտնվելով։ Դրանց մասին է խոսում իրադարձությունների զարգացումը»։
Ըստ նրա՝ Ռուսաստանի պարտության դեպքում ևս ոչ հեշտ ժամանակներ են սպասում Հայաստանին․ «Պետք է պատրաստվել այդ օրվան։ ՀՀ-ն պետք է կուտակի զինվորական փորձ ունեցող մասնագետների, որոնք կմասնակցեն Հայկական բանակի ռեֆորմներին և վերապատրաստմանը»։ Զենքի գնման իմաստով ևս ՀՀ-ն ունի այլընտրանքներ, որոնցից առաջինը քաղաքագիտության դոկտորը նշում է ԱՄՆ-ին, որը նրա համոզմամբ՝ կերաշխավորի ՀՀ-ի անվտանգությունը, և հայկական պետությունը Ադրբեջանին ու Թուրքիային դիմադրող բանակ կունենա։
Հարցազրույցն ամբողջությամբ՝ տեսանյութում։
Ռոբերտ Անանյան
