07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
2020-ի նոյեմբերի 9-ի զանգվածային անկարգությունների գործով ևս 2 անձ դատապարտվեց ազատազրկման
Հասարակություն
15.06.2022 | 13:54
2020 թվականի նոյեմբերի 9-ի գիշերը զանգվածային անկարգությունների ևս երկու մասնակից է ազատազրկման դատապարտվել։ Ավելի քան մեկ տարի կալանքի տակ գտնվող Անրի Սեդոյանը դատապարտվել է 3 տարվա ազատազրկման, իսկ Կարեն Մարությանը՝ 6 տարի ազատազրկման։ Դատարանը բացի այդ նրանց պարտավորեցրել է 500․000-ական դրամ տուգանք վճարել։ Այս մասին Factor.am-ի հետ զրույցում հայտնեց Սեդոյանի պաշտպան Արսեն Մկրտչյանը։
Դատարանն Անրի Սեդոյանին մեղավոր է ճանաչել զանգվածային անկարգության և կառավարության աշխատակիցներից մեկի բաճկոնը հափշտակելու համար, որը հետագայում վերադարձվել է տիրոջը։
Մկրտչյանը նշեց, որ, իր համոզմամբ, ճիշտ է դատական ակտի դեմ վերաքննիչ բողոք ներկայացնել, սակայն պաշտպանյալը առողջական լուրջ խնդիրներ ունի․ «Հուլիսի մեկից ուժի մեջ մտնող քրեական օրենսգրքով նախատեսվում է մեկ երրորդով պատժից ազատում և, հնարավոր է, որ իմ պաշտպանյալը ինձ հանձնարարություն չտա բողոքարկելու դատական ակտը»։
Հիշեցնենք, որ նոյեմբերի 9-ի գիշերը տեղի ունեցած զանգվածային անկարգությունների գործերով 5 տասնյակից ավելի մեղադրյալ է անցնում։
Արփի Հակոբյան
