07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Արցախցիների համար 3300 նոր բնակարան է կառուցվում․ ընդդիմությունը հավաքել է վրանները․ Լուրեր
Քաղաքականություն
15.06.2022 | 13:16
- Ֆրանսիայի հրապարակում մեկ ու կես ամիս անցկացրած ընդդիմությունը երեկոյան հավաքել է վրանները։ Դիմադրության շարժման առաջնորդներից Իշխան Սաղաթելյանը հայտարարել է, որ հասել են իրենց նպատակներին և փոխում են մարտավարությունը՝ ամենշաբաթյա ակցիաներ են անելու Երևանում ու մարզերում։ Ֆրանսիայի հրապարակով երթևեկությունը վերականգնվել է։
- Ազգային ժողովում քննարկվում է նախորդ տարվա բյուջեի կատարողականը։ Նիստին մասնակցում են միայն ՔՊ խմբակցության անդամները։ Ֆակտորի տեսախցիկը ֆիքսել է, որ կիսադատարկ դահլիճում ՔՊ պատգամավորների մի մասը չի էլ հետևում քննարկմանը՝ զբաղված լինելով հեռախոսներով։
Բուն քննարկման ընթացքում ֆինանսների նախարար Տիգրան Խաչատրյանն ասել է, որ կառավարության պարտք-ՀՆԱ հարաբերակցությունը 3,2 %-ով բարելավվել է նախորդ տարվա համեմատ։ - Պատերազմում տունը կորցրած արցախցիների համար 3300 նոր բնակարան է կառուցվում Ստեփանակերտում, Հովսեփավան, Քռասնիո, Իվանյան, Աստղաշեն, Նորագյուղ, Կարմիր գյուղ համայքներում: Հայտնում են ՀՀ կառավարությունից:
Այս ժամի լուրերը՝ տեսանյութում։
