19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Թուրքիան կարող է մեկ տարով հետաձգել ՆԱՏՕ-ին Շվեդիայի և Ֆինլանդիայի անդամակցության հարցը
Քաղաքականություն
14.06.2022 | 21:48
Անկարան մտադիր է մեկ տարով հետաձգել Շվեդիայի և Ֆինլանդիայի՝ ՆԱՏՕ-ին միանալու հարցը՝ հուսալով այդ ընթացքում քրդական խմբավորումների դեմ պայքարում այդ երկու երկրներից բավարար երաշխիքներ ստանալ։ Այս մասին հայտարարել է Թուրքիայի խորհրդարանի միջազգային հարաբերությունների հանձնաժողովի նախագահ Աքիֆ Չաղաթայ Քըլըչը, գրում է «Ինտերֆաքս»-ը։
«Այդ հարցը կապված է կենսական ազգային շահերի հետ։ Մենք պատրաստ ենք մեկ տարով կանխել նրանց անդամակցությունը, եթե դա անհրաժեշտ լինի»,- ասել է Քըլըչը։
Նա նշել է, որ Թուրքիան ՆԱՏՕ-ի երկրորդ մեծ բանակն ունի և անօդաչուներ է տրամադրում, որոնք Ուկրաինային օգնում են պաշտպանվել։ Ըստ թուրք պատգամավորի` Անկարան «ավելի մեծ հարգանքի է արժանի»։
Հավելենք, որ Թուրքիան դեմ է ՆԱՏՕ-ին Շվեդիայի ու Ֆինլանդիայի անդամակցությանը` նրանց մեղադրելով քուրդ «ահաբեկիչներին» աջակցելու մեջ։
Էմմա Չոբանյան
