22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Հայաստանում օտարերկրյա ներդրումների միջոցներով կատարվող շինարարությունը նվազել է շուրջ 65 %-ով
Տնտեսություն
14.06.2022 | 22:10
2022 թվականի հունվար-ապրիլ ամիսներին Հայաստանում շինարարության ծավալն աճել է 9 %-ով։ Այս մասին տեղեկանում ենք Վիճակագրական կոմիտեի հրապարակած տվյալներից։ Այպիսով՝ նշված ժամանակահատվածում Հայաստանում կատարվել է շուրջ 81 մլրդ դրամի շինարարություն։
Շինարարության շուրջ 50 %-ն իրականացվել է կազմակերպությունների, 23,7 %-ը բնակչության, 22,9 %-ը՝ պետական բյուջեի միջոցներով։
Այնուամենայնիվ, պետբյուջեի միջոցներով կատարված շինարարությունը նախորդ տարվա նույն ժամանաշրջանի հետ համեմատ նվազել է շուրջ 10 % -ով՝ կազմելով 18,5 մլրդ դրամ։ Նվազել են նաև միջազգային վարկերի հաշվին կատարվող շինարարության ծավալները՝ շուրջ 43 %-ով։ 41 %-ով աճել են համայնքային միջոցներով կատարվող շինարարության ծավալները՝ կազմելով շուրջ 2 մլրդ դրամ։ Իսկ մարդասիրական օգնության հաշվին կատարվող շինարարությունն աճել է շուրջ 2,3 անգամ։ Սրա մեջ է մտնում «Հայաստան համահայկական հիմնադրամի», Հայ առաքելական եկեղեցու և մարդասիրական այլ օգնության հաշվին կատարվող շինարարությունը։ Թեև կազմակերպությունների միջոցներով կատարվող շինարարության ծավալներն աճել են շուրջ 31 %-ով, այնուամենայնիվ, էապես նվազել են օտարերկրյա ներդրողների միջոցներով կատարված շինարարության ծավալները։ Նվազումը կազմել է շուրջ 65 %։
