22.04.2026 | 22:45
Թուրք լրագրողի համար դատախազությունը պատիժ է պահանջում է` հայ երիտասարդների հետ Ցեղասպանության հետ կապված զրույցի համար
Աֆրիկայի ավելի քան 345 մլն բնակիչ տառապում է պարենային անապահովությունից․ ԿԽՄԿ
Քաղաքականություն
14.06.2022 | 23:03
Աֆրիկայում ավելի քան 345 միլիոն մարդ, մասնավորապես՝ Սուդանում, Եթովպիայում և Հարավաաֆրիկյան Հանրապետությունում, պարենային լուրջ անապահովության մեջ է։ Այս մասին հայտնում է Կարմիր խաչի միջազգային կոմիտեն (ԿԽՄԿ), գրում է Ինտերֆաքսը։
«Աֆրիկայում ավելի քան 346 միլիոն մարդ տառապում է պարենային լուրջ անապահովությունից, իրավիճակը տագնապալի է»,- ասվում է կազմակերպության թվիթերյան գրառման մեջ։
Նրա տվյալներով՝ սննդի պակասի են բախվում նաև Բուրկինա Ֆասոն, Կոնգոյի Դեմոկրատական Հանրապետությունը, Կամերունը, Քենիան, Մավրիտանիան, Մալին, Նիգերիան, Սոմալին և Չադը:
Արևմտյան լրատվամիջոցներն իրենց հերթին հայտնում են, որ ՄԱԿ-ը հանդես է գալիս կոչով՝ 426 միլիոն դոլար հատկացնել Հարավային Սուդանին՝ այնտեղ պարենային աղետը կանխելու համար։
Անցյալ շաբաթ ՄԱԿ-ի Պարենի և գյուղատնտեսության կազմակերպության շուկաների և առևտրի տնօրեն Բուբակեր Բեն-Բելհասենն ասել է, որ Ուկրաինայի շուրջ ստեղծված իրավիճակը կարող է հանգեցնել աշխարհում սովյալների թվի աճի 11-19 մլն մարդով 2022-2023 թվականներին։
Էմմա Չոբանյան
