25.08.2026 | 22:19
Էրդողանը նախազգուշացրել է՝ «ահաբեկչությունից շահույթ ստացողները» դատապարտված են ձախողման
Դատարանը թույլատրեց Արմեն Գևորգյանին մեկնել Ստրասբուրգ
Հասարակություն
14.06.2022 | 17:30
Երևան քաղաքի ընդհանուր իրավասության դատարանը՝ նախագահությամբ դատավոր Աննա Դանիբեկյանի, թույլատրել է «Հայաստան» դաշինքի պատգամավոր Արմեն Գևորգյանին մեկնել Ստրասբուրգ, որտեղ նա պետք է մասնակցի ԵԽԽՎ ամառային նստաշրջանի նիստերին։
Միջնորդությունը ներկայացնելիս պաշտպան Լուսինե Սահակյանը խնդրել էր դատավորին թույլատրել Գևորգյանին հունիսի 19-ից մինչև 25-ը բացակայել երկրից։ Մեղադրող դատախազ Պետրոս Պետրոսյանը հայտարարել էր, որ հավանական ռիսկերի գնահատումը թողնում են դատարանի հայեցողությանը։ Լսելով կողմերին՝ դատավոր Աննա Դանիբեկյանը, հաշվի առնելով նախորդ փորձը, որոշել է թույլ տալ ընդդիմադիր պատգամավորին մեկնել երկրից։
Առանձնապես խոշոր չափերով` շուրջ 5 միլիարդ դրամի` հանցավոր ճանապարհով ստացված եկամուտներն օրինականացնելու համար մեղադրվող Գևորգյանին դատարանը երկրից մեկնելու թույլտվություն էր տվել նաև այս տարվա ապրիլին։ Նախկին փոխվարչապետը մասնակցել էր ապրիլի 22-29-ը Ստրասբուրգում անցկացված Եվրոպայի խորհրդի խորհրդարանական վեհաժողովի նստաշրջանին։
