14.05.2025 | 23:30
Վարչապետը տիկնոջ հետ ներկա է գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգին
Մարտի 1-ի գործերով դատավորներին հնարավոր կլինի ենթարկել պատասխանատվության, եթե խախտումներ հայտնաբերվեն․ փոխնախարար․ ՏԵՍԱՆՅՈՒԹ
Հասարակություն
14.06.2022 | 13:04
Մարդու իրավունքների եվրոպական դատարանի՝ Հայաստանի դեմ կայացրած վճիռները կարող են հիմք հանդիսանալ Հայաստանի դատավորների նկատմամբ կարգապահական վարույթ հարուցելու, ընդհուպ լիազորությունների դադարեցման համար. 5 տարի վաղեմության շեմ կսահմանվի: Կառավարության առաջարկությամբ ««Դատական օրենսգիրք» սահմանադրական օրենքում փոփոխություններ և լրացում կատարելու մասին» օրենքի նախագիծը Ազգային ժողովում ներկայարեց արդարադատության փոխնախարար Գրիգոր Մինասյանը:
«Արդյո՞ք օրենսդրական այս փոփոխություններով հնարավորություն է ընձեռվելու Մարտի 1-ի գործերով (որոնցով ունենք արդարացումներ) դատական ակտերի կայացմանը մասնակից դատավորներին ենթակել պատասխանատվության»,- դիմելով արդարադատության նախարարին՝ հետաքրքրվեց «Քաղաքացիական պայմանագիր» խմբակցության պատգամավոր Արուսյակ Ջուլհակյանը:
«Այո՛, այդպիսի հնարավորություն ընձեռվում է,- նշեց Միանսյանը,- այս փոփոխության արդյունքում հնարավորություն է ընձեռվում 15 տարի հետ գնալ, ՄԻԵԴ-ի կողմից կայացված վճիռներն ուսումնասիրել, և եթե արձանագրվեն կոնկրետ դատավորի կողմից դիտավորությամբ կատարված խախտումներ, կարգապահական վարույթի շրջանակներում կարող ենք գործը վերհանել, միջնորդություն ներկայացնել ԲԴԽ և գործող կառուցակարգերով պատասխանատվության ենթարկել այդ դատավորներին»:
Մանրամասները՝ տեսանյութում:
