24.03.2026 | 10:50
Սևանի ԲԿ-ի տնօրենը մեղադրվում է խոշոր չափերի գույքի հափշտակության և խմբի կազմում կեղծիք կատարելու համար. ՀԿԿ
Մամիկոն Ասլանյանը կմնա կալանքի տակ․ FIFA-ի և UEFA-ի նախագահները կժամանեն Հայաստան․ Լուրեր
Քաղաքականություն
13.06.2022 | 18:09
- Ազգային ժողովում այսօրվա քննարկումից հայտնի է դարձել, որ կաիտալ ծախսերը կրկին թերակատարվել են։ Առաջին եռամսյակում պետական բյուջեի կապիտալ ծախսերը կազմել են 37,2 միլիարդ դրամ և կատարվել են 55 %-ով։ Հարցին, թե ինչու է թերակատարում եղել, ֆինանսների նախարար Տիգրան Խաչատրյանը պատասխանել է, որ այս հարցը կառավարության կարևոր հարցերի թվում է, սակայն պատճառ չի նշել։
- Վանաձորի նախկին քաղաքապետ Մամիկոն Ասլանյանը կմնա կալանքի տակ: Լոռու մարզի ընդհանուր իրավասության առաջին ատյանի դատարանը մերժել է Ասլանյանին ազատ արձակելու միջնորդությունը: Ասլանյանը կալանավորվել է դեկտեմբերին՝ Վանաձորի քաղաքապետի ընտրություններից մի քանի օր առաջ։
- ՖԻՖԱ-ի նախագահ Ջիանի Ինֆանտինոն և ՈՒԵՖԱ-ի նախագահ Ալեքսանդր Չեֆերինը կայցելեն Հայաստան: Երկու կառույցների նախագահները կմասնակցեն Հայաստանի ֆուտբոլի ֆեդերացիայի 30-ամյակի հետ կապված հունիսի 15-ին և 16-ին նախատեսված միջոցառումներին։
Այս ժամի լուրերը՝ տեսանյութում։
