06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Գնաճային միջավայրը մոտակա ամիսներին շարունակվելու է․ Մարտին Գալստյան. ՏԵՍԱՆՅՈՒԹ
Տնտեսություն
13.06.2022 | 13:33
Աշխարհում ստեղծվել է նոր գնաճային իրավիճակ՝ պայմանավորված ռուս-ուկրաինական պատերազմով: Այս մասին ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստում նշեց ՀՀ Կենտրոնական բանկի նախագահ Մարտին Գալստյանը:
Նրա խոսքով՝ այս փուլում, երբ փոխարժեքն արժևորվել է, զուգահեռաբար ապրանքների միջազգային գները կտրուկ բարձրացել են:
ԿԲ նախագահի տեղեկացմամբ՝ Հայաստանում մայիսի դրությամբ գնաճը կազմել է 9 տոկոս:
«Գնաճային միջավայրը մոտակա ամիսներին շարունակվելու է, մեր կանխատեսումների համաձայն՝ 9 տոկոս գնաճը գուցե մոտակա ամիսներին բարձրացման միտումներ կցուցաբերի, բայց եթե որևէ նոր, արտասովոր բան տեղի չունենա, ապա գնաճը տարվա վերջին ավելի ցածր կլինի»,- ընդգծեց Գալստյանը:
Մանրամասները՝ տեսանյութում:
