28.04.2026 | 16:29
«Ձեր հարազատը վտանգի մեջ է»․ IDBank-ը զգուշացնում է հեռախոսային շանտաժի ագրեսիվ ալիքի մասին
Գարեգին Բ-ի եղբորորդին 2 ամսով կալանավորվեց
Հասարակություն
11.06.2022 | 22:04
Երևան քաղաքի առաջին ատյանի ընդհանուր իրավասության դատարանը բավարարել է Շենգավիթի դատախազի տեղակալ Կորյուն Ներսիսյանին կալանավորելու միջնորդությունը։ Նա կալանավորվել է 2 ամսով: Տեղեկությունը Factor.am-ի հարցին ի պատասխան հայտնեցին Հակակոռուպցիոն կոմիտեից։
Հիշեցնենք՝ Գլխավոր դատախազությունը հայտնել էր, որ Երևան քաղաքի Շենգավիթ վարչական շրջանի դատախազի տեղակալ Կ․ Ն-ն, հանդիսանալով պաշտոնատար անձ, Արմավիրի մարզի առաջին ատյանի ընդհանուր իրավասության դատարանի վարույթում քննվող քրեական գործով ամբաստանյալ Ն․Դ-ի նկատմամբ մեղմ պատիժ նշանակելուն պաշտոնեական դիրքն օգտագործելով նպաստելու համար Գ․Գ-ի և Ն․Ա-ի օժանդակությամբ և միջնորդությամբ Ն․Դ-ից ստացել է առանձնապես խոշոր չափերով՝ 2 միլիոն 500 հազար դրամ կաշառք։
Մամուլում կան տեղեկություններ, որ Կորյուն Նահապետյանն Ամենայն Հայոց կաթողիկոս Գարեգին Բ֊ի եղբորորդին է։
