16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
ՊՆ փոխնախարարը՝ ԶՈւ ԳՇ պետի նշանակման մասին․ Փաշինյանի եղբայրը 4 ընկերության ղեկավար է դարձել․ Լուրեր
10.06.2022 | 19:55
Վարչապետ Նիկոլ Փաշինյանն ընդունել է Հավաքական անվտանգության պայմանագրի կազմակերպության արտաքին գործերի նախարարների խորհրդի նիստի մասնակիցներին։ Փաշինյանը անդրադարձել է տարածաշրջանային ընթացիկ իրավիճակին՝ խոսելով Հայաստան-Ադրբեջան սահմանազատման և սահմանային անվտանգության հանձնաժողովի գործունեության, տարածաշրջանային հաղորդուղիների բացման, Ադրբեջանում մինչ օրս պահվող հայ ռազմագերիների, պատանդների և այլ քաղաքացիական անձանց վերադարձի մասին: Փաշինյանը նաև հայտարարել է, որ Լեռնային Ղարաբաղի հիմնախնդրի կարգավորման համատեքստում առանցքային է ԼՂ կարգավիճակի հարցը։
Պաշտպանության նախարարի տեղակալ Արման Սարգսյանն այսօր հրաժարվել է լրագրողի հարցին պատասխանել, երբ վերջինս հիշատակել է Արցախի Փառուխ գյուղում ադրբեջանցիների հայտնվելու խնդիրը։ Նա նաև վստահեցրել է, որ նորից ունենալու ենք զինված ուժերի գլխավոր շտաբի պետ, որն ուղղակի նաև հանդիսանալու է պաշտպանության նախարարի առաջին տեղակալը։
Վերջին 1 տարում վարչապետ Նիկոլ Փաշինյանի եղբայրը՝ Արմեն Փաշինյանը, միանգամից 4 ընկերությունների տնօրեն է նշանակվել։ Այս մասին հայտնի է դարձել fip․am-ի ուսումնասիրությունից։ Ինքը` Փաշինյանը հայտարարել է, որ Հայաստան է վերադարձել 2018 թվականին՝ եղբոր՝ Նիկոլ Փաշինյանի իշխանության գալուց հետո։
Այս ժամի լուրերը՝ տեսանյութում։
