23.03.2026 | 22:23
Թուրքիան միացել է Եգիպտոսի և Պակիստանի՝ ԱՄՆ-Իրան ճգնաժամի կարգավորման միջնորդական ջանքերին. Axios
TOON EXPO 2022. բացվել է անշարժ գույքի և կառուցապատման ոլորտի ամենամասշտաբային ցուցահանդեսը․ ՏԵՍԱՆՅՈւԹ
Տնտեսություն
10.06.2022 | 20:03
Կարեն Դեմիրճյանի անվան մարզահամերգային համալիրում բացվել է TOON EXPO 2022-ը։ Ցուցահանդեսին մասնակցում են անշարժ գույքի և կառուցապատման ոլորտի 150-ից ավելի ընկերություններ։ Սա ոլորտի ընկերությունների մասնակցությամբ Հայաստանում երբևէ կազմակերպված ամենամասշտաբային ցուցահանդես-վաճառքն է։
Կառուցապատող ընկերություններից մինչև անշարժ գույքի գործակալություններ, բանկային համակարգից մինչև շինարարական նյութերի ու տեխնիկայի մատակարարներ, ճարտարապետական և նախագծող ընկերություններ, գնահատում ու չափագրում, օդափոխություն և ջեռուցում իրականացնող ընկերություններ, ոլորտային արտադրողներ ու ներմուծողներ․ բոլորը մեկ հարկի տակ կլինեն 3 օր՝ հունիսի 10-ին, 11-ին և 12-ին։
Այցելուները ներկայացված առաջարկներին կարող են ծանոթանալ համալիրի բակից սկսած՝ ավելի քան 10.000 քառ. մետր տարածքում։
Գլխավոր հովանավորներն են՝ RED Invest group-ը՝ անշարժ գույքի վաճառքի ոլորտից, Defanse Housing-ը՝ կառուցապատման ոլորտից, պաշտոնական աջակիցներն են Երևանի քաղաքապետարանը, Երևանի պատմության թանգարանը, Էկոնոմիկայի նախարարությունն ու «Էնթերփրայզ Արմենիա» հիմնադրամը։ Ցուցահանդեսին զուգահեռ՝ նաև լավ տրամադրությունն է ապահովված՝ «Հին և Նոր Երևան» նկարների ցուցադրություն, խաղարկություններ, թեմատիկ խաղեր ու երեխաների համար առանձնացված տարածքներ։
Մանրամասները՝ տեսանյութում։
Սաթենիկ Հայրապետյան
