Մշակույթ
10.06.2022 | 22:44
Ամփոփվել են Խաչատրյանի անվան 18-րդ միջազգային մրցույթի 2-րդ փուլի արդյունքները։ Ժյուրիի որոշմամբ մրցույթի երրորդ՝ եզրափակիչ փուլում ելույթները կշարունակեն հետևյալ թավջութակահարները՝ Կյուն Ջուն Լի (Հարավային Կորեա), Ջոու Կիտամուրա (Ճապոնիա), Իվան Սենդեցկի (Ռուսաստան), Էտտոռե Պագանո (Իտալիա)․ տեղեկացնում են «Արամ Խաչատրյան-մրցույթ» մշակութային հիմնադրամից։
«Վերջիններս հունիսի 11-ին և 12-ին երրորդ փուլում ելույթ կունենան Հայաստանի պետական սիմֆոնիկ նվագախմբի հետ։ Մրցանակակիրների անունները կհրապարակվեն հունիսի 13-ին՝ մրցույթի փակման գալա համերգի ընթացքում»,- ասված է հաղորդագրությունում։
