23.03.2026 | 22:23
Թուրքիան միացել է Եգիպտոսի և Պակիստանի՝ ԱՄՆ-Իրան ճգնաժամի կարգավորման միջնորդական ջանքերին. Axios
Ակցիայի մասնակիցները քորոցներով ծակում են կարմիր բերետավորներին. Արա Ֆիդանյան․ ՏԵՍԱՆՅՈՒԹ
Հասարակություն
10.06.2022 | 14:37
«Ոստիկանությունն իրականացրել է այն գործողությունը, որը պայմանավորված է եղել տվյալ պահով. ոստիկանների գործողությունները համաչափ էին»,- ԱԺ-ում լրագրողների հետ զրույցում այս մասին նշեց ՀՀ փոխոստիկանապետ Արա Ֆիդանյանը՝ անդրադառնալով դիտարկմանը, որ Պռոշյան-Դեմիրճյան փողոցների խաչմերուկում հունիսի 3-ին երթի մասնակիցների և ոստիկանական ուժերի միջև բախումների ժամանակ ոստիկանությունը լուսաձայնային նռնակներ է կիրառել «Դիմադրության» շարժման մասնակիցների դեմ, և վնասվածքներ էին ստացել ինչպես ակցիայի մասնակիցները, այնպես էլ ոստիկանները։
«Ոստիկանների ուղղությամբ քարեր և այլ առարկաներ են նետել։ Երբ սկսում են նմանատիպ գործողություններ, ակցիան խաղաղից ոչ խաղաղի է վերածվում, և ոստիկանությունը կարող է հատուկ միջոցներ կիրառել»,- նշեց փոխոստիկանապետը՝ հավելելով, որ եթե իրավիճակը ծայրահեղ է, ոստիկանությունը կարող է և չզգուշացնել հատուկ միջոց կիրառելու մասին։
Ֆիդանյանն ընդգծեց, որ բոլոր ծառայողների աշխատանքը դրական է գնահատում: «Իհարկե, առանձին խնդիրներ կան, բայց նման պայմաններում առանց խնդիրների հնարավոր չէ ծառայություն իրականացնել, քանի որ սադրանքները անչափ շատ են: Ակցիայի մասնակիցները գալիս են քորոցներով ու աննկատ ծակում են կարմիրբերետավորներին, ինչը պարբերաբար է լինում, վիրավորում են ոստիկաններին, դա նորմա՞լ է: Բացի դրանից՝ վերջին 40 օրերի ընթացքում հավաքի կազմակերպիչները կանխավ չեն ծանուցում իրենց հավաքների մասին»,- նշեց Ֆիդանյանը:
Մանրամասները՝ տեսանյութում:
