07.10.2026 | 21:02
Կանանց Հայաստանի հավաքականը հաղթեց Հորդանանին
Ավանեսյանը դիմել է ԱԺ` ընդդիմադիր պատգամավորների պահվածքի հարցով էթիկայի հանձնաժողով ստեղծելու համար․ ՏԵՍԱՆՅՈՒԹ
Քաղաքականություն
09.06.2022 | 12:55
Պատգամավորական մանդատը որևէ անձի թույլ չի տալիս դրսևորել խուլիգանական վարքագիծ: Այս մասին այսօր կառավարությունում լրագրողների հետ ճեպազրույցում հայտարարեց առողջապահության նախարար Անահիտ Ավանեսյանը ՝ կարծիք հայտնելով, որ «Հայաստան» և «Պատիվ ունեմ» խմբակցության մի քանի պատգամավորներ ոչ հարիր պահվածք են դրսևորել Առողջապահության նախարարությունում։
«Ես կարծում եմ՝ Ազգային ժողովում Էթիկայի հանձնաժողովը, որը որ կստեղծվի, մանրամասն կքննի այս վարքագիծը, պատգամավորին ոչ հարիր գործելաոճը ու խստորեն արձագանք կլինի դրան», – նշեց նախարարը:
Նրա խոսքով՝ ընդդիմադիրները, քաղաքակիրթ երկրներին բնորոշ հարթակները թողած, ոչ թե հանդիպում են ուզում, այլ բեմականացված ու գռեհիկ շոուներ։
«Այո՛, ոստիկանական ուժերն ու մեր բոլոր իրավապահները պետք է գործեն խստիվ, օրենքի շրջանակներում», – նշեց Ավանեսյանը՝ հավելելով, որ ժողովրդավարություն չի նշանակում անօրինական թողտվություն։ Ժողովրդավարություն, նրա խոսքով, նշանակում է պատշաճ վարքագիծ, իսկ երբ դա չկա, այո՛, պետք է կիրառվի վարչարարություն։
Հիշեցնենք՝ ԱԺ «Հայաստան» խմբակցության պատգամավորներ Ասպրամ Կրպեյանը, Քրիստինե Վարդանյանը, «Պատիվ ունեմ» խմբակցության պատգամավոր Աննա Մկրտչյանը գնավել են Առողջապահության նախարարություն և մուտք գործել սենյակ, որտեղ նախարարը խորհրդակցության է եղել։ Ընդդիմադիր պատգամավորները նախարարի դիմաց նետել են 44-օրյա պատերազմում զոհված տղաների լուսանկարները, որտեղ նրանց մարմինները պարկերով գետնին էին դրված։
Մանրամասները՝ տեսանյութում:
