05.06.2026 | 10:10
Կիբեռանվտանգության հարցերը՝ RISE 2026-ի քննարկման առանցքում
Միրզոյանը՝ Ադրբեջանի հետ ուղիների բացման մասին․ մեկնարկում են միասնական քննությունները․ Լուրեր
Քաղաքականություն
06.06.2022 | 16:28
- Ազգային ժողովում 2021 թ. պետական բյուջեի կատարողականի մասին տարեկան հաշվետվության քննարկման ընթացքում ՀՀ արտգործնախարար Արարատ Միրզոյանը հայտարարել է, որ արտաքին քաղաքական աշխատանքի կարևոր ուղղություններից մեկը եղել է տարածաշրջանում տրանսպորտային կոմունիկացիաների և տնտեսական կապերի ապաշրջափակումը: Միրզոյանի խոսքով՝ կա ընդհանուր ընկալում այն մասին, որ բոլոր ապաշրջափակվող տրանսպորտային ենթակառուցվածքները, ճանապարհները, երկաթուղիները պետք է գործեն այն երկրների ինքնիշխանության և օրենսդրության ներքո, որոնց տարածքով դրանք անցնում են։
- Վարչապետ Նիկոլ Փաշինյանի գլխավորությամբ տեղի է ունեցել ՀՀ վարչապետին կից տնտեսական քաղաքականության խորհրդի առաջին նիստը, որն անցկացվել է տեսակապի միջոցով։ «Վստահ եմ, որ Տնտեսական խորհուրդը կվերածվի մի ինստիտուտի, որը կօգնի, կաջակցի և կառաջնորդի Հայաստանի տնտեսական բարեփոխումներին»,- հայտարարել է Փաշինյանը։
- Հունիսի 7-ին մեկնարկում են այս տարվա ավարտական և ընդունելության միասնական քննությունները։ Երևանում ու մարզերում գործելու է 14 քննական կենտրոն: Առաջին քննությունը կենսաբանությունից և աշխարհագրությունից է:
Այս ժամի լուրերը՝ տեսանյութում։
