16.09.2026 | 14:09
ԵՄ-ն 12 մլրդ եվրո կներգրավի՝ Միջին միջանցքով Հարավային Կովկասը Եվրոպային կապելու համար
Ստեփանակերտի խորովածանոցներից մեկում հրդեհ է բռնկվել
05.06.2022 | 19:39
Հունիսի 5-ին՝ ժամը 00։07-ին, ԱԻ պետական ծառայության 911 ճգնաժամային կառավարման կենտրոնում քաղաքացու կողմից հաղորդում է ստացվել, Ստեփանակերտ քաղաքի Իվանյան փողոցում, նախնական տվյալներով, խորովածանոցի տանիքում բռնկված հրդեհի մասին։
ԱՀ ՆԳՆ ԱԻՊԾ-ից տեղեկացնում են, որ ահազանգը ստանալուց անմիջապես հետո հրդեհաշիջման աշխատանքներ կատարելու և բնակչությանը համապատասխան օգնություն ցուցաբերելու նպատակով, ծառայության տնօրեն գնդապետ Մեխակ Արզումանյանի գլխավորությամբ, կանչի վայր են մեկնել հրշեջ փրկարար մասից մեկ մարտական հաշվարկ և արագ արձագանքման հատուկ ստորաբաժանման օպերատիվ խումբը։
Հրդեհը մարվել է 00։22-ին, լիամարվել` 00։36-ին։
Մասնակի այրվել է խորովածանոցին կից ծածկի առաստաղի փայտյա կոնստրուկցիան և ծխահարվել է թիթեղյա շերտը։
Ստուգմամբ զբաղվում է ԱԻՊԾ պետական հրդեհային և տեխնիկական անվտանգության տեսչությունը։
