16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Սոցապ նախարարը` Քոչարյանի հետ նկարվելու համար աշխատակցին ազատելու տեղեկության մասին․ ՏԵՍԱՆՅՈՒԹ
Քաղաքականություն
03.06.2022 | 12:33
«Տեղյակ չեմ, որ աշխատանքի և սոցիալական հարցերի նախարարությունը որևիցե մեկին քաղաքական հետապնդման ենթարկի»,- այս մասին լրագրողների հետ զրույցում նշեց ՀՀ աշխատանքի և սոցիալական հարցերի նախարար Նարեկ Մկրտչյանը՝ անդրադառնալով դիտարկմանը, որ սոցապնախարարության Աննա անունով մի աշխատակցուհի հայտարարել է, որ Ռոբերտ Քոչարյանի հետ իր լուսանկարը լրատվամիջոցներից մեկի կողմից հրապարակվելուց հետո իրեն ազատել են աշխատանքից:
«Մեր երկրում բոլորն էլ ունեն ազատ կարծիք հայտնելու և քաղաքական դիրքորոշում արտահայտելու հնարավորություն»,- նշեց նախարարը՝ կրկին հավաստիացնելով, որ աշխատանքի և սոցիալական հարցերի նախարարությունում որևիցե դեպք չի եղել, որ անհիմն, միայն քաղաքական դիրքորոշման պատճառով որևէ աշխատակից աշխատանքից ազատված լինի:
«Տարօրինակ է նման հայտարարություն լսելը, որ մի գերատեսչություն, որ հետևում է աշխատողների իրավունքներին և պատասխանատու է այդ քաղաքականության համար, խախտի կանոններ»,- նշեց Մկրտչյանը:
Մանրամասները՝ տեսանյութում:
