03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Հունիսի 3-ին Մոսկվայում տեղի կունենա ապաշրջափակման հարցերով եռակողմ աշխատանքային խմբի նիստը․ Մհեր Գրիգորյանը ՌԴ է մեկնել
Քաղաքականություն
02.06.2022 | 18:50
Մոսկվայում վաղը՝ հունիսի 3-ին, տեղի կունենա տարածաշրջանային հաղորդակցությունների ապաշրջափակման հարցերով Հայաստանի, Ռուսաստանի և Ադրբեջանի եռակողմ աշխատանքային խմբի հերթական նիստը։
Աշխատանքային խմբի հայկական կողմի համանախագահ, ՀՀ փոխվարչապետ Մհեր Գրիգորյանն այսօր կմեկնի Մոսկվա։
Հայաստանի, Ռուսաստանի և Ադրբեջանի փոխվարչապետերի համանախագահությամբ ձևավորված աշխատանքային խումբը վերջին անգամ հանդիպել էր 2021 թվականի դեկտեմբերին։
Ինչ վերաբերում է սահմանազատման և սահմանային անվտանգության հարցերով Հայաստանի և Ադրբեջանի հանձնաժողովների հաջորդ հանդիպմանը, հանդիպման օրը դեռևս չի հաղորդվում։ Այն նույնպես պետք է տեղի ունենա Մոսկվայում։ Այս հանձնաժողովների առաջին հանդիպումը, հիշեցնենք, տեղի է ունեցել հայ-ադրբեջանական միջպետական սահմանին, իսկ Մոսկվայի հանդիպումից հետո հանձնաժողովները կհավաքվեն արդեն Բրյուսելում։
