15.09.2026 | 17:33
Աջակցում ենք ՀՀ-ի հետ խաղաղությանը․ Հաքան Ֆիդանը՝ Բաքվում
Հուլիսի 1-ից Երևանի ԲԿ-ներում վճարումը կիրականացվի միայն անկանխիկ. Անահիտ Ավանեսյան․ ՏԵՍԱՆՅՈՒԹ
02.06.2022 | 11:54
Հուլիսի 1-ից Երևան քաղաքի բուժհիմնարկներում բժշկական ծառայություններից օգտվելու համար ամբողջովին անցում է կատարվելու անկանխիկ վճարային համակարգին։ Այս մասին կառավարության այսօրվա նիստում հայտնեց առողջապահության նախարար Անահիտ Ավանեսյանը։
«Ամբողջ մի ոլորտ մեծ քայլ է կատարում թափանցիկության և կանխիկի կրճատման առումով»,- նշեց նախարարը։
Վարչապետ Նիկոլ Փաշինյանը նշեց, որ 2018 թվականից հետո առողջապահական կենտրոնների շրջանառության ծավալներն էական մեծացել են, և դա նաև ստվերի կրճատման շնորհիվ է։
«Հիմա մենք երկրորդ քայլն ենք անում: Իհարկե, պարզ է, որ սկզբնական շրջանում որոշակի անհարմարություն կզգան մարդիկ… Բայց սա մեր քաղաքական կամքն ու վճռականությունն է»,- նշեց Փաշինյանը։
Վարչապետի դիտարկմամբ՝ կանխիկի շրջանառության կրճատումն ունի տնտեսական անվտանգության ապահովման շատ կարևոր էֆեկտ։
Մանրամասները՝ տեսանյութում:
