07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Ըստ Միշելի՝ ՀՀ-Ադրբեջան արտատարածքային պահանջներ չկան․ Փաշինյանը շնորհավորանքներ է ստացել․ Լուրեր
Քաղաքականություն
01.06.2022 | 13:34
- Ադրբեջանի պաշտպանության նախարարությունը հերթական անգամ տարածել է հայկական կողմից հրադադարի ռեժիմը խախտելու վերաբերյալ հաղորդագրություն, որում պնդում է, թե, իբր, ՀՀ ԶՈՒ ստորաբաժանումները մայիսի 31-ի երեկոյան և գիշերը կրակ են բացել հայ-ադրբեջանական սահմանի արևելյան և հյուսիս-արևելյան հատվածներում տեղակայված ադրբեջանական մարտական դիրքերի ուղղությամբ։ ՀՀ ՊՆ-ից տեղեկացնում են, որ նշված տեղեկությունը չի համապատասխանում իրականությանը։ Իրադրությունը հայ-ադրբեջանական սահմանին հարաբերականորեն կայուն է։
- ԵԽ նախագահ Շառլ Միշելը հայտարարել է, որ Բրյուսելում տարածաշրջանի ապաշրջափակման համատեքստում ՀՀ-ն ու Ադրբեջանը հաստատել են, որ ապագա տրանսպորտային ենթակառուցվածքների հետ կապված արտատարածքային պահանջներ չունեն։ Միշելի կարծիքով, բոլոր հիմնական խնդիրները, որոնք հանգեցրել են Լեռնային Ղարաբաղի առաջին պատերազմին, ինչպես նաև 2020 թվականին ռազմական գործողությունների վերսկսմանը, պետք է լուծվեն բոլոր շահագրգիռ կողմերի կողմից:
- Վարչապետ Նիկոլ Փաշինյանը ծննդյան օրվա առիթով շնորհավորական ուղերձներ է ստացել Ռուսաստանի նախագահից, վարչապետից, անվտանգության խորհրդի նախագահի տեղակալից, Բելառուսի և Ղազախստանի նախագահներից, ՀԱՊԿ գլխավոր քարտուղարից։
Այս ժամի լուրերը՝ տեսանյութում։
