16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Կրիպտոարժույթների ոլորտի չկարգավորումը խնդիրներ է առաջացնում. Բադասյան․ ՏԵՍԱՆՅՈՒԹ
Տնտեսություն
01.06.2022 | 11:33
«Բազմիցս բարձրաձայնել ենք կրիպտոակտիվների օգտագործմամբ գործարքներ անելու և այդտեղ հարկային ռիսկերի առկայության հետ կապված խնդրի մասին»,- այս մասին ԱԺ մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի կատարման մասին» տարեկան հաշվետվության ներկայացման ժամանակ նշեց ՊԵԿ նախագահ Ռուստամ Բադասյանը:
ՊԵԿ նախագահի խոսքով՝ օպերատիվ հետախուզական միջոցառումներ են իրականացվել և արձանագրվել է կանխիկ մեծ գումարի դիմաց կրիպտոաակտիվի ձեռքբերում, սակայն որևէ գործողություն չի ձեռնարկվել, քանի որ հստակ կարգավորված չէ, թե կրիպտոակտիվներն ինչ իրավական կարգավիճակում են և դրանցով գործարքներն ինչպես են իրականացվում:
«Բայց աշխարհը գնացել է այդ կարգավորման ճանապարհով: Մենք ևս Կենտրոնական բանկին խնդել ենք, որ այդ ոլորտն անպայման կարգավորվի, քանի որ չկարգավորելով՝ մենք թույլ ենք տալիս բազմաթիվ ստվերային գործարքներ, մինչդեռ աշխարհում դրա փորձն արդեն կա: Կրիպտոարժույթների միջոցով թե՛ հարկերից խուսափելու և թե՛ փողերի լվացման դեպքեր կան: Այդ հարցը շուտափույթ պետք է կարգավորել: Կրիպտոարժույթների ոլորտի կարգավորումը բարդ վերահսկողական միջոցառումներ է պահանջում, բայց չկարգավորումն առավել մեծ խնդիրներ է առաջացնում»,- նշեց Բադասյանը:
Մանրամասները՝ տեսանյութում:
