07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Սաշիկ Սարգսյանի ու Սուրիկ Խաչատրյանի որդիները ձերբակալվել են զանգվածային անկարգությունների գործով
Հասարակություն
31.05.2022 | 15:12
Քննչական կոմիտեն այսօր հաղորդագրություն է տարածել՝ տեղեկացնելով, որ երեկ Կառավարական 3-րդ մասնաշենքի դիմաց զանգվածային անկարգություններ կազմակերպելու և դրանց մասնակցելու դեպքի առթիվ հարուցվել է քրեական գործ։
Քննչական կոմիտեից տեղեկացնում են, որ ցուցարարները չեն ենթարկվել ոստիկանության ծառայողների օրինական պահանջներին` քաշքշել, հրել ու հարվածել են նրանց, որի հետևանքով տասնյակից ավելի ոստիկաններ ստացել են մարմնական վնասվածքներ՝ աջ բազկի ստորին երրորդականի կտրած-պատռած վերքի, գանգուղեղային, կրծքավանդակի, կրծոսկրի սալջարդի, որովայնի, աջ ազդրի հետին մասի վնասվածքների և այլ ձևերով: ՀՀ քրեական օրենսգրքի 225-րդ հոդվածի 1-ին և 2-րդ մասերով հարուցված քրեական գործով ձերբակալվել է 8 քաղաքացի։
Factor.am-ին հայտնի դարձավ, որ նրանց շարքերում են Սյունիքի նախկին մարզպետ Սուրիկ Խաչատրյանի որդին՝ Տիգրան Խաչատրյանը և Սերժ Սարգսյանի եղբոր՝ Ալեքսանդր (Սաշիկ) Սարգսյանի որդին՝ Հայկ Սարգսյանը:
Արփի Հակոբյան
