21.12.2025 | 11:11
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
98-ից Արցախի` Ադրբեջանի կազմում լինելու տեսական հավանականությունը եղել է բոլոր իշխանությունների օրակարգում․ Ալեն Սիմոնյան․ՏԵՍԱՆՅՈՒԹ
Քաղաքականություն
31.05.2022 | 11:02
«Ընդդիմության՝ հունիսի 3-ին արտահերթ նիստ հրավիրելու նախաձեռնությունը իրավիճակից ինչ-որ մի ելք գտնելու հերթական փորձ է, այն կեղծ գործընթաց է»,- լրագրողների հետ զրույցում այս կարծիքը հայտնեց Ալեն Սիմոնյանը՝ հավելելով, որ ընդդիմությունը փակուղու մեջ է:
Նա հիշեցրեց, որ այսօր վարչապետը ներկայացրել է բյուջեի հետ կապված տվյալներ:
«Աննախադեպ բան է արվել և արվում այս իշխանության կողմից Արցախի համար. Արցախը փրկում են ոչ թե կենտրոնով շրջապտույտներ անելով և սելֆիներ անելով, այլ Արցախը փրկում են գործով, իսկ դա նրանք չեն անում»,- ընդգծեց Ալեն Սիմոնյանը:
Հարցին, թե արդյոք իշխող խմբակցությունը, ընդդիմության հրավիրած արտահերթ նիստին չմասնակցելով, չի ստեղծում տպավորություն, որ Արցախի կարգավիճակի հստակեցման մասին որևէ փաստաթղթի ներկայացման դեպքում իշխանությունը խուսափում է հստակեցումից, Սիմոնյանը տվեց բացասական պատասխան՝ նշելով, որ դա կեղծ գործընթաց է, որը միտված է ընդդիմության երեսը փրկելու, քանի որ իրենք հայտարարել են, որ դուրս են գալիս փողոց և հետ չեն վերադառնալու:
«Մենք Արցախի բանակցությունների հետ կապված բոլոր գործընթացները մաքսիմալ թափանցիկ ներկայացրել ենք: Ինչո՞ւ եմ ասում մաքսիմալ, որովհետև կան ինչ-որ բաներ, որ չես կարող ինչ-որ պահի ասել, որպեսզի բանակցային գործընթացը չխաթարվի, բայց ընդհանուր առմամբ մեր ժողովրդին ամեն ինչ ասվում է, և վարչապետը բազմիցս ասել է, որ որևիցե գործընթաց, որը չի ներառի Արցախի ժողովրդի կարծիքը, չի ներառի Հայաստանի Հանրապետության քաղաքացիների կարծիքը, չի լինելու և չկա»,- եզրափակեց Սիմոնյանը:
Անդրադառնալով Արցախի կարգավիճակի վերաբեյալ հարցին, ԱԺ նախագահը նշեց, որ ամեն րոպե իրավիճակ է փոխվում. «Բանակցություններն ամեն րոպե իրավիճակ են փոխում: Հիմա ՀՀ-ն ասում է, որ կա Արցախի բնակչություն, որն ունի իրավունքներ, և այդ իրավունքներից է պետք բխեցնել կարգավիճակը»
«98-ից ի վեր Արցախի` Ադրբեջանի կազմում լինելու տեսական հավանականությունը եղել է բոլոր իշխանությունների օրակարգում»,- ընդգծեց ԱԺ նախագահը:
Մանրամասները՝ տեսանյութում:
