07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Ցուցարարների և ոստիկանների բախում է եղել․Սեյրան Օհանյանից գույք բռնագանձելու գործը գնաց դատարան․ Լուրեր
Քաղաքականություն
30.05.2022 | 16:44
- Քաշքշուք ու լարված իրավիճակ է եղել Կառավարության երրորդ մասնաշենքր մոտ ընդդիմության այսօրվա բողոքի ակցիայի ժամանակ։ Երթի առաջնորդները հայտարարել են, որ մտնում են նախարարությունների շենք պարզելու՝ արդյո՞ք նախարարները միանում են իրենց հայտարարությանը։ Իշխան Սաղաթելյանը հայտարարել է, որ չեն հեռանալու, մինչև նախարարների հետ հանդիպում չլինի։
- Ցուցարարների և ոստիկանների միջև քաշքշուք է սկսվել, ոստիկանությունը սկսել է բերման ենթարկել ցուցարարներին։ Ոստիկանությունից հայտնել են, որ բերման է ենթարկվել 5 մարդ, բոլորը՝ խուլիգանություն կատարելու կասկածանքով։
- Եղել են նաև մարմնական վնասվածքների դեպքեր։ «Հերացի» թիվ 1 համալսարանական հիվանդանոց շտապօգնության մեքենայով տեղափոխվել է 4 քաղաքացի, որոնցից երկուսը՝ ոստիկան։ Ավելի ուշ, երբ իրավիճակը հանդարտվել է, ընդդիմության առաջնորդները հայտարարել են, որ շարունակում են երթը։
- Պաշտպանության նախկին նախարար Սեյրան Օհանյանից և 3 փոխկապակցված անձից առանձնատուն, տրանսպորտային միջոց և 2 հասարակական տարածք որպես ապօրինի ծագում ունեցող գույք բռնագանձելու հայցադիմումը դատարանը վարույթ է ընդունել։
- Վարչապետ Նիկոլ Փաշինյանի որոշմամբ Դավիթ Համբարյանը նշանակվել է արտակարգ իրավիճակների նախարարի տեղակալ։
Այս ժամի լուրերը՝ տեսանյութում։
