17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
Նախորդ շաբաթ ոստիկանությունը բացահայտել է հանցագործության 130 դեպք, որից 3-ը՝ նախկինում կատարված
Հասարակություն
30.05.2022 | 16:03
Ըստ ոստիկանության օպերատիվ հաղորդագրությունների ամփոփագրերի՝ մայիսի 27-ից 30-ը Հայաստանի Հանրապետության ոստիկանության ստորաբաժանումները բացահայտել են հանցագործության 130 դեպք, որից 3-ը՝ նախկինում կատարված․ տեղեկացնում են ՀՀ ոստիկանությունից։
«Մասնավորապես՝ անձնական ունեցվածքի գողության` 27, մարմնական վնասվածք պատճառելու՝ 26, ծանր վիրավորանքի՝ 14, խարդախության՝ 13, ընտանեկան բռնության՝ 11, թմրամիջոցի հայտնաբերման՝ 5, յուրացնելու կամ վատնելու՝ 4, անձի առևանգման, կողոպուտի և գույքը դիտավորությամբ ոչնչացնելու՝ 3-ական, զենք-զինամթերքի առգրավման, պաշտոնեական կեղծիքի կամ անփութության, սպառնալիքի, պաշտոնեական լիազորությունները չարաշահելու և ազգային թշնամանք հարուցելու՝ 2-ական, բռնաբարության կամ բռնաբարության փորձի, հարկերից խուսափելու, ավտոմեքենա փախցնելու, ծեծի, աշխատանքի պաշտպանության կանոնները խախտելու, անհետաձգելի միջամտություն կիրառելու մասին որոշումը խախտելու, անառակաբարո գործողություններ կատարելու և բռնություն գործադրելու հրապարակային կոչերի, բռնությունը հրապարակայնորեն արդարացնելու կամ քարոզելու՝ 1-ական դեպք։
Հայտնաբերվել է 3 անհետ կորած, 10 հետախուզվող, կամավոր ներկայացել է 3 հետախուզվող։
Գրանցվել է զենք-զինամթերքի կամավոր հանձնման 2 դեպք։
Նախկինում կատարված հանցագործություններից բացահայտվել է անձնական ունեցվածքի գողության, պետական-հասարակական ունեցվածքի գողության և վրաերթի 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 31 պատահար. 1 մարդ զոհվել է, 37-ը՝ ստացել տարբեր աստիճանի մարմնական վնասվածքներ»,- ասված է հաղորդագրությունում։
